മീ ടൂ വിവാദത്തില്‍ വീണ്ടും പ്രതികരണവുമായി നടന്‍ വിനായകന്‍. തനിക്കെതിരെ മീടൂ ആരോപണങ്ങള്‍ ഉന്നയിക്കുന്നത് എന്തിന്റെ അടിസ്ഥാനത്തിലാണ്? മാനസികവും ശാരീരികവും ആയിട്ടുള്ള പീഡനം ആണ് മീ ടുവെങ്കില്‍ അത് ചെയ്തിട്ടില്ലെന്ന് വിനായകന്‍ വ്യക്തമാക്കി.

ഇവിടുത്തെ നിയമത്തില്‍ വലിയ കുറ്റകൃത്യമാണത്. അത് ഞാന്‍ ചെയ്തിട്ടില്ല, രാവിലെ എണീറ്റ് നോട്ടീസ് കൊടുത്ത് പെണ്ണുങ്ങളെ പീഡിപ്പിക്കാന്‍ വിനായകന്‍ അത്രയും തരം താഴ്ന്നവനല്ല. ', അദ്ദേഹം പറഞ്ഞു. 'പന്ത്രണ്ട്' സിനിമയുടെ പ്രചാരണത്തിന്റെ ഭാഗമായ പത്ര സമ്മേളനത്തിലാണ് വിനായകന്‍ പ്രതികരിച്ചത്.

ഇന്ത്യയിലെ നിയമത്തിലെ വളരെ ഭീകരമായ കുറ്റകൃത്യമാണത്. ഇത്രയും വലിയ തെറ്റ് നടത്തിയിട്ട് എത്രയാളുകള്‍ ജയിലില്‍ പോയി.
ഇനി തന്റെ മേലോട്ടാണ് മീടൂ ഇടുന്നതെങ്കില്‍, അതുകൊണ്ടാണ് എന്താണ് മീടൂ എന്ന് അന്ന് ചോദിച്ചത്. താന്‍ ഇത് ചെയ്തിട്ടില്ല. താന്‍ സ്ത്രീകളുമായി ശാരീരികബന്ധത്തിലാണ് ഏര്‍പ്പെട്ടിട്ടുള്ളത്.

അത് റോഡില്‍ പോയിരുന്ന് നോട്ടീസ് കൊടുക്കുന്നതല്ല. പത്തു സ്ത്രീകളുമായി ശാരീരികബന്ധത്തില്‍ ഏര്‍പ്പെട്ടിരുന്നതായി നേരത്തെ 'ഒരുത്തീ' സിനിമയുടെ വാര്‍ത്താസമ്മേളനത്തില്‍ വിനായകന്‍ മാധ്യമങ്ങളോട് പറഞ്ഞിരുന്നു. ഒരാളോട് ലൈംഗികബന്ധത്തിന് തയ്യാറാണോ എന്ന് ചോദിക്കുന്നത് മീ ടൂവാണെങ്കില്‍ അത് താന്‍ ചെയ്തിട്ടുണ്ടെന്നാണ് വിനായകന്‍ പറഞ്ഞത്.

'ഒരുത്തീ' സിനിമയുടെ പ്രചാരണത്തിന്റെ ഭാഗമായി നടന്ന വാര്‍ത്താ സമ്മേളനത്തില്‍ മീ ടുവിനെ പരിഹസിക്കുന്ന പരാമര്‍ശം വിനായകനില്‍ നിന്നുമുണ്ടായിരുന്നു. ഒരാളോട് ലൈംഗിക ബന്ധത്തിന് തയ്യാറാണോ എന്ന് ചോദിക്കുന്നത് മീ ടുവാണെങ്കില്‍ അത് താന്‍ ചെയ്തിട്ടുണ്ടെന്നാണ് വിനായകന്‍ പറഞ്ഞത്.

ലൈംഗികമായി ബന്ധപ്പെടണമെന്ന് തോന്നിയാല്‍ താന്‍ ആരോടും ചോദിക്കും. വേണമെന്നു തോന്നിയാല്‍ ഈ പെണ്‍കുട്ടിയോടും ചോദിക്കുമെന്നായിരുന്നു വിനായകന്റെ പരാമര്‍ശം. ഇത് വലിയ വിവാദമായതോടെ ഫേസ്ബുക്കിലൂടെ പരസ്യമായി മാപ്പ് പറയുകയും ചെയ്തിരുന്നു.

ഈ സംഭവവും ഇന്ന് പത്ര സമ്മേളനത്തില്‍ ചര്‍ച്ചയായി. താന്‍ ആ പെണ്‍കുട്ടിയെ ഉദ്ദേശിച്ചല്ല അങ്ങനെ പറഞ്ഞതെന്നും അങ്ങനെ വ്യാഖ്യാനിക്കുകയായിരുന്നെന്നും വിനായകന്‍ പറഞ്ഞു. ആ പെണ്‍കുട്ടിയോട് മാപ്പ് പറഞ്ഞിരുന്നു. സങ്കടമുണ്ടായിട്ടുണ്ടെങ്കില്‍ മാപ്പ് വീണ്ടും പറയുന്നു. സങ്കടമില്ലെങ്കില്‍ മാപ്പ് പിന്‍വലിക്കുന്നു', വിനായകന്‍ പറഞ്ഞു.

തന്നെ മാധ്യമങ്ങള്‍ മോശക്കാരനായി ചിത്രീകരിക്കുകയായിരുന്നെന്നും വിനായകന്‍ തുറന്നടിച്ചു. പല ചാനലുകളും എന്റെ പേരില്‍ പെണ്ണ് കേസുകള്‍ എഴുതിവെച്ചിട്ടുണ്ട്. പല മീറ്റു പ്രശ്‌നങ്ങളിലും ഞാനുണ്ടെന്ന്. ഇതൊക്കെയെവിടെ? നിങ്ങളാണ് ഇത് ആലോചിക്കേണ്ടത്, എന്റെ നെഞ്ചത്തോട്ട് കയറിയിട്ട് എന്തിനാണ് വിനായകന്‍ പറഞ്ഞു.