മുഖ്യമന്ത്രി പിണറായി വിജയനെതിരെ വിമാനത്തിലുണ്ടായ യൂത്ത കോണ്‍ഗ്രസ പ്രവര്‍ത്തകരുടെ പ്രതിഷേധവുമായി ബന്ധപ്പെട്ട് ഇന്‍ഡിഗോ വിമാനത്തില്‍ പൊലീസ് പരിശോധന നടത്തി. മഹസര്‍ തയാറാക്കാന്‍ വിമാനം പരിശോധിക്കണമെന്ന് ഇന്‍ഡിഗോ അധികൃതര്‍ക്ക് പൊലീസ നോട്ടീസ് നല്‍കിയിരുന്നു. ഇതിന്റെ അടിസ്ഥാനത്തില്‍ വ്യാഴാഴ്ച വൈകീട്ട് വിമാനം എത്തിയപ്പോഴാണ് പരിശോധനക്ക് സമയം അനുവദിച്ചത്.

മുഖ്യമന്ത്രിയുടെ ഗണ്‍മാന്‍ അനില്‍കുമാറുമായെത്തിയാണ് മഹസര്‍ തയാറാക്കിയത്. വിമാനത്തിലെ പ്രതിഷേധത്തില്‍ അനിലിന്റെ പരാതിയിലാണ് പൊലീസ് കേസെടുത്തത്. പ്രതികള്‍ വ്യോമയാന നിയമങ്ങള്‍ ലംഘിച്ചെന്ന നിലയിലാണ അന്വേഷണം. കേസന്വേഷിക്കുന്ന പ്രത്യേകസംഘത്തിലെ അംഗമായ ശംഖുംമുഖം അസി. കമീഷണര്‍ ഡി.കെ. പൃഥ്വിരാജിന്റെ മേല്‍നോട്ടത്തില്‍ ശംഖുംമുഖം എസ്.എച്ച്.ഒയും പരിശോധന സംഘത്തിലുണ്ടായിരുന്നു.

പ്രതിഷേധക്കാര്‍ ഇരുന്ന സീറ്റുകളില്‍നിന്ന് മുഖ്യമന്ത്രിയുടെ സീറ്റിലേക്കുള്ള ദൂരമടക്കമുള്ള വിവരങ്ങള്‍ ശേഖരിച്ചു. മുഖ്യമന്ത്രിക്കുനേരെ പ്രതിഷേധമുണ്ടായെന്ന തരത്തില്‍ വിമാന കമ്ബനി വ്യാമയാന വകുപ്പിന നല്‍കിയ റിപ്പോര്‍ട്ട അന്വേഷണത്തില്‍ ഗുണം ചെയ്യുമെന്ന കണക്കുകൂട്ടലിലാണ? പൊലീസ മുന്നോട്ടുപോവുന്നത്.

ഇന്‍ഡിഗോ വിമാന കമ്ബനിയില്‍നിന്ന് വിമാനത്തിലെ എല്ലാ യാത്രക്കാരുടെ വിവരങ്ങളും അന്വേഷണ ഉദ്യോഗസ്ഥര്‍ ഇതിനകം ശേഖരിച്ചിട്ടുണ്ട. ലഭിക്കാവുന്ന പരമാവധി പേരുടെ മൊഴികളും രേഖപ്പെടുത്തി. കേസിലെ ഗൂഢാലോചന ഉള്‍പ്പെടെ പുറത്ത് കൊണ്ടുവരുന്ന രീതിയിലുള്ള അന്വേഷണം വേണമെന്നാണ് പ്രത്യേക സംഘത്തലവന്‍ ക്രൈംബ്രാഞ്ച് എസ.പി. പ്രജീഷ് തോട്ടത്തിലിന് ലഭിച്ച നിര്‍ദേശം.

പ്രജീഷ് തോട്ടത്തിലിന്റെ നേതൃത്വത്തില്‍ കൊച്ചിയില്‍ ചേര്‍ന്ന യോഗം അന്വേഷണം വിപുലീകരിക്കാനും തീരുമാനിച്ചു. ആറംഗ സംഘത്തെയാണ് ആദ്യം നിയോഗിച്ചത. കൂടുതല്‍ അംഗങ്ങളെ ഉള്‍പ്പെടുത്തി സംഘം വിപുലീകരിച്ചാകും തുടര്‍ന്നുള്ള അന്വേഷണം.

കേസില്‍ പ്രതികള്‍ അന്താരാഷ്ട്ര വ്യോമ ഗതാഗത നിയമങ്ങള്‍ ലംഘിച്ചതിന്റെ വിശദാശംങ്ങള്‍ ശാസ്ത്രീയ തെളിവുകളുടെ അടിസ്ഥാനത്തില്‍ കോടതിയില്‍ അവതരിപ്പിക്കാനും തിരുവനന്തപുരം ജില്ല കോടതിക്ക് ജുഡീഷ്യല്‍ ഫസ്റ്റ്ക്ലാസ് കോടതി കൈമാറിയ കേസ് ത്വരിതപ്പെടുത്തുന്നതിനുള്ള നടപടികള്‍ സ്വീകരിക്കാനും അന്വേഷണസംഘത്തിന്റെ യോഗം തീരുമാനിച്ചിട്ടുണ്ട്.