തൃശൂരില്‍ വാടാനപള്ളിയില്‍ പാചക വാതക സിലിണ്ടറിലെ ചോര്‍ച്ച പരിഹരിക്കുന്നതിനിടെ തീപിടിത്തം. അപകടത്തില്‍ ആറ് പേര്‍ക്ക് പരിക്കേറ്റു. ചാപ്പക്കടവ് സ്വദേശികളായ ശ്രീലത, മനീഷ് , മഹേഷ്, വള്ളിയമ്മ, റഹ്മത്ത് അലി എന്നിവര്‍ക്കും മറ്റൊരാള്‍ക്കുമാണ് പരിക്കേറ്റത്.


രാത്രി എട്ടരയോടെയായിരുന്നു സംഭവം. സിലിണ്ടറില്‍ ചോര്‍ച്ചയുള്ളതിനെ തുടര്‍ന്ന് പാചകവാതകം കൊണ്ടുവരുന്ന വാഹനത്തിലെ ഡ്രൈവര്‍ ആയ റഹ്മത്ത് അലിയെ നന്നാക്കാന്‍ വിളിച്ചിരുന്നു.

റഹ്മത്ത് അലി നന്നാക്കുന്നതിനിടെ സ്പാര്‍ക്കുണ്ടാകുകയായിരുന്നു. തുടര്‍ന്ന് തീപിടിത്തം ഉണ്ടായി. അപകടത്തില്‍ റഹ്മത്ത് അലിയ്ക്കാണ് സാരമായി പരിക്കേറ്റിട്ടുള്ളത്.

പരിക്കേറ്റവരെ തൃശ്ശൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. റഹ്മത്ത് അലിയുടെ കൈക്കാണ് സാരമായി പരിക്കേറ്റിട്ടുള്ളത്.