അധികം സുരക്ഷയിലൂടെ ഉണ്ടായ ഒരു കോടി 70 ലക്ഷം രൂപയുടെ നഷ്ടം ആരില് നിന്നും ഈടാക്കും? ടെക്നോപാര്ക്കില് അനുമതിയില്ലാതെ അധികം പൊലീസിനെ വിന്യസിച്ച് സര്ക്കാറിന് നഷ്ടമുണ്ടാക്കിയതില് പോലീസിനോട് വിശദീകരണം തേടി അക്കൗണ്ടന്റ് ജനറല്...
അധികം സുരക്ഷയിലൂടെ ഉണ്ടായ ഒരു കോടി 70 ലക്ഷം രൂപയുടെ നഷ്ടം ആരില് നിന്നും ഈടാക്കും? ടെക്നോപാര്ക്കില് അനുമതിയില്ലാതെ അധികം പൊലീസിനെ വിന്യസിച്ച് സര്ക്കാറിന് നഷ്ടമുണ്ടാക്കിയതില് പോലീസിനോട് വിശദീകരണം തേടി അക്കൗണ്ടന്റ് ജനറല്...
ഓരോ സ്ഥാപനങ്ങളില് നിന്നും പണം വാങ്ങി സുരക്ഷ നല്കാനായിരുന്നു പൊലീസിന് കീഴില് സ്റ്റേറ്റ് ഇന്ഡ്രസിട്രിയല് സെക്യൂരിറ്റി ഫോഴ്സ് രൂപീകരിച്ചത്. സുരക്ഷ നില്ക്കുന്ന പൊലീസുകാരുടെ ചെലവ് ആ സ്ഥാപനം ഏറ്റെടുക്കണമെന്ന് സ്ഥാപനത്തിന്റെ മേധാവിയും എസ്.ഐ.എസ്.എഫ് കമാണ്ടന്ന്റും തമ്മില് ധാരണപത്രം ഒപ്പിടുന്നത്. അങ്ങനെ ടെക്നോപാര്ക്കിന് സുരക്ഷ നല്കുന്ന 22 പൊലീസുകാരുടെ ചെലവ് ടെക്നോപാര്ക്ക് ഇപ്പോഴും സര്ക്കാരിന് നല്കുന്നുണ്ട്.
പക്ഷെ 2017 മുതല് 2021 വരെ സര്ക്കാര് അനുമതി ഇല്ലാതെ ധാരണാപത്രത്തിന് പുറത്ത് 18 വനിതാ പൊലീസുകാരെ ലോക്നാഥ് ബെഹറ നിയോഗിച്ചതിനെതിരെയാണ് എജി വിശദീകരണം തേടിയിരിക്കുന്നത്.
ടെക്നോപാര്ക്കും പൊലീസുമായുള്ള ധാരണ പത്രത്തില് 22 പൊലീസുകാരുടെ സേവനമാണ് വിട്ടു നല്കിയത്. ഇതിന് പുറമേ ഡിജിപി വിന്യസിച്ച 18 പേര്ക്ക് നല്കേണ്ട ശമ്പളമായ ഒരു കോടി 70 ലക്ഷം രൂപ നല്കാനാവില്ലെന്ന് ടെക്നോപാര്ക്ക് . ഈ നഷ്ടത്തില് വിശദീകരണം തേടിയാണ് ബാറ്റാലിയന് എഡിജിപിക്ക് എ.ജി. കത്ത് നല്കിയിട്ടുള്ളത്.,
മുന് ഡിജിപിയുടെ നിയമനത്തില് എജിയുടെ വിശദീകണം വന്നാല് വെട്ടിലാകുമെന്നറിയാവുന്ന ഇപ്പോഴത്തെ ഡിജിപി അനില് കാന്ത് നേരത്തെ തന്നെ ഇക്കാര്യം സര്ക്കാരിനെ അറിയിച്ചു. എജിയുടെ വിമര്ശനത്തില് നിന്നും രക്ഷപ്പെടാന് സേനക്കുണ്ടായ നഷ്ടം സര്ക്കാര് ഏറ്റെടുക്കുകയോ, അല്ലെങ്കില് അധികമായി പൊലീസിനെ നിയമിച്ചവരില് നിന്നും ഈടാക്കാന് നിര്ദ്ദേശക്കുകയോ ആണ് സര്ക്കാരിന് മുന്നില് വഴിയുള്ളത്.
വനിതാ ബറ്റാലയിന് നിന്നും 18 പേരെ ഡെപ്യൂട്ടേഷനില് എസ്ഐഎസ്എഫിന്റെ ഭാഗമായി ടെക്നോപാര്ക്കില് വിന്യസിക്കുമ്പോള് ഇവരുടെ ശമ്പളം ടെക്നോപാര്ക്കില് നിന്നും ഉറപ്പാക്കേണ്ടതായിരുന്നു. ഈ ചട്ടവും പാലിച്ചില്ല.
"
https://www.facebook.com/Malayalivartha
