ഭീതിയോടെ നാട്ടുകാര്.... വയനാട്ടില് വീണ്ടും കടുവ ആക്രമണം, വാകേരി ഏദന്വാലി എസ്റ്റേറ്റിലെ വളര്ത്തുനായയെ കടുവ ആക്രമിച്ച് കൊന്നു
ഭീതിയോടെ നാട്ടുകാര്.... വയനാട്ടില് വീണ്ടും കടുവ ആക്രമണം, വാകേരി ഏദന്വാലി എസ്റ്റേറ്റിലെ വളര്ത്തുനായയെ കടുവ ആക്രമിച്ച് കൊന്നു
നിരവധി തൊഴിലാളികള് പണിയെടുക്കുന്ന എസ്റ്റേറ്റിലാണ് കഴിഞ്ഞ ദിവസം കടുവ എത്തിയത്. കടുവയുടെ സാന്നിധ്യം പതിവായതോടെ നാട്ടുകാര് ഭീതിയിലാണ്.
മൂന്ന് മാസത്തിനിടെ നിരവധി വളര്ത്തുമൃഗങ്ങളെ കടുവ കൊന്നിട്ടുണ്ട്. ഇതോടെ പ്രതിഷേധിക്കാന് നാട്ടുകാര് തീരുമാനിച്ചു.
അതേസമയം കണ്ണൂര് ഇരിട്ടി ആറളം ഫാമില് സെക്യൂരിറ്റി ജീവനക്കാരന്റെ ഇരുചക്രവാഹനം കാട്ടാന തകര്ത്തു. പാലപ്പുഴയില് ഫാം ഗെയ്റ്റില് ഡ്യൂട്ടിയില് ഉണ്ടായിരുന്ന സതീഷ് നാരായണന്റെ ഇരുചക്രവാഹനമാണ് ഇന്ന് പുലര്ച്ചെ അഞ്ചോടെ കാട്ടാന തകര്ത്തത്.ചെക്പോസ്റ്റില് ഡ്യൂട്ടിയില് ഉണ്ടായിരുന്ന സതീഷ് നാരായണന് അത്ഭുതകരമായി രക്ഷപെട്ടു.
കാട്ടാന ഫാമിനകത്ത് നിന്ന് ടാര് റോഡ് വഴി നടന്ന് വന്ന് ചെക് മുന്നില് എത്തി ഇവിടെ നിര്ത്തിയിട്ട ഇരുചക്ര വാഹനം തുമ്പി കൈക്ക് എടുത്ത് പൊക്കി റോഡിലേക്ക് എറിഞ്ഞ് ചിന്നം വിളിച്ച് തിരികെ കാട്ടിലേക്ക് മെയിന് റോഡ് വഴി പോയി.
കാക്കയങ്ങാട് , പാലപ്പുഴ മേഖലയില് ജനവാസ കേന്ദ്രങ്ങളില് കാട്ടാന വിളയാട്ടം തുടരുന്നു. ഫാമിലും പുറത്തുമായി കോടിക്കണക്കിന് രൂപയുടെ കൃഷി നാശമാണ് കാട്ടാന വരുത്തുന്നത്.
അതേസമയം, കാടുവിട്ട് നാട്ടിലിറങ്ങുന്ന കാട്ടാനകളെ കൊണ്ടും രണ്ട് മാസത്തിലേറെയായി ജനങ്ങള് പൊറുതിമുട്ടിയിരിക്കുകയാണ് വയനാട്ടിലെ വനാതിര്ത്തി ഗ്രാമങ്ങള്. കാട്ടാനശല്യം ഈയിടെയായി അതിരൂക്ഷമായെന്നാണ് പരാതി. ഒരു മാസം മുന്പാണ് മേപ്പാടി അരുണമലകോളനിയില് കാട്ടാനയുടെ ആക്രമണത്തില് യുവാവ് മരിച്ചത്. കഴിഞ്ഞ ദിവസം വൈത്തിരിയില് ചുള്ളികൊമ്പന്റെ ആക്രമണത്തില് വയോധികന് ഗുരുതര പരിക്കേറ്റു. പുലര്ച്ചെ വീട്ടിനുള്ളിലേക്ക് കയറിയായിരുന്നു കാട്ടാനയുടെ പരാക്രമം.
ചുരുങ്ങിയ ദിവസത്തിനുള്ളില് നിരവധി വീടുകളും വാഹനങ്ങളും കാട്ടാന തകര്ത്തു. ജനവാസ കേന്ദ്രങ്ങളിലൂടെയും പാതയോരങ്ങളിലൂടെയും നിത്യവും കാട്ടാനകള് വിഹരിക്കുമ്പോള് ജനങ്ങള് ഭീതിയിലാണ്. രാത്രി വീടിന് പുറത്തിറങ്ങാനാവാത്ത അവസ്ഥയിലാണ് ആയിരക്കണക്കിന് കുടുംബങ്ങള്. കാട്ടാന ശല്യത്തിന് ശാശ്വതപരിഹാരം കാണാന് വനംവകുപ്പിന് സാധിക്കാത്തത് വലിയ പ്രതിഷേധങ്ങള്ക്കും ഇടയാക്കുന്നുണ്ട്.
https://www.facebook.com/Malayalivartha
