പിണറായിയെ സഭയില് വലിച്ചു കീറി കെകെ രമ വിഷം ശര്ദ്ദിച്ച് എംഎം മണി വിധവയെന്ന് വിളിച്ച് അധിക്ഷേപം തോന്നിവാസം പറയരുതെന്ന് പ്രതിപക്ഷം
ഇതിനു മുമ്പ് പല തവണ വിഷം തുപ്പിയിട്ടുള്ളൊരു നേതാവാണ് എംഎം മണി. വായില് തോനുന്നതെല്ലാം വിളിച്ചു പറയും. എന്നിട്ടും ആത്മാര്ത്ഥമായ ഒരു ക്ഷമാപണം പോലും നടത്താത്തൊരു വ്യക്തിയാണദേഹം. രാഷ്ട്രീയത്തില് വാഗ്വാദങ്ങളും വാദഗതികളുമൊക്കെയാകാം. പക്ഷേ എതിര് പക്ഷത്തെ അപമാനിക്കുന്ന തരത്തിലെന്തെങ്കിലും വീണു പോയാല് അത് അവര്ക്ക് വേദനിച്ചാല് മാപ്പു പറയേണ്ടത് രാഷ്ട്രീയ മര്യാദയാണ്. പക്ഷേ എംഎം മണി അത് ചെയ്തിട്ടില്ല.
ഇന്ന് സംസ്ഥാന സര്ക്കാരിനും മുഖ്യമന്ത്രി പിണറായി വിജയനുമെതിരെ കടുത്ത വിമര്ശനം ഉന്നയിച്ച വടകര എംഎല്എ കെകെ രമയ്ക്ക് എതിരെ അധിക്ഷേപ പ്രസംഗവുമായി സിപിഎം നേതാവ് എംഎം മണി. പിണറായി സര്ക്കാരിനെതിരെ പറയാന് ഈ മഹതി ആരാണ്. അവര് വിധവയായി പോയി. അത് അവരുടെ വിധിയാണ് ഞങ്ങളാരും ഉത്തരവാദികളല്ലെന്നും എംഎം മണി അധിക്ഷേപിച്ചു. ഈ അപമാനകരമായ പരാമര്ശം പിന്വലിക്കണമെന്ന് പ്രതിപക്ഷം ആവശ്യപ്പെട്ടെങ്കിലും മണി അതിന് തയാറായില്ല. തുടര്ന്ന് നിയമസഭയില് ഇരുപക്ഷവും വാക്കേറ്റം നടത്തി. എന്നാല്, പ്രസ്താവന പിന്വലിക്കാന് മണി തയാറായിട്ടില്ല.
മുഖ്യമന്ത്രി പിണറായി വിജയനേയും അഭ്യന്തര മന്ത്രിയേയും അതിരൂക്ഷമായി വിമര്ശിച്ചതിന് മറുപടിയെന്നോണമായിരുന്നു എംഎം മണിയുടെ വ്യക്തിപരമായ അധിക്ഷേപം. നിയമസഭയിലെ ചര്ച്ചയില് ആഭ്യന്തര വകുപ്പിനെ അതി നിശതമായാണ് രമ വിമര്ശിച്ചത്. മുഖ്യമന്ത്രി പിണറായി വിജയന് സര്വ്വ സന്നാഹവുമായി നടക്കുന്ന മുഖ്യമന്ത്രിയെ സഞ്ചരിക്കുന്ന അടിയന്തരാവസ്ഥയെന്നാണ് രമ പറഞ്ഞത്. ഇതോടെ നിയമസഭ കലുഷിതമായി. എംഎം മണിയുടെ പ്രസംഗം പരിശോധിക്കാമെന്ന് സ്പീക്കര് എംബി രാജേഷ് അറിയിച്ചു.
എംഎം മണിയുടെ അധിക്ഷേപത്തിനെതിരെ ഇതിനെതിരെ പ്രതിപക്ഷം പ്രതിഷേധിക്കുകയാണ്. തോന്നിവാസം പറയരുതെന്ന് പറഞ്ഞാണ് പ്രതിപക്ഷം സഭയുടെ നടുത്തളത്തില് ഇറങ്ങിയത്. എംഎം മണി മാപ്പ് പറയണം എന്ന് മുദ്രാവാക്യം മുഴക്കുകയാണ് പ്രതിപക്ഷം. ഡയസിന് മുന്നിലെത്തി ഈ ആവശ്യം പ്രതിപക്ഷം ഉന്നയിച്ചു. എംഎം മണി പറഞ്ഞത് എന്താണെന്ന് പരിശോധിക്കാമെന്ന് സ്പീക്കര് എംബി രാജേഷ് പറഞ്ഞു. എന്നാല് പ്രതിപക്ഷം പ്രതിഷേധം തുടങ്ങിയതോടെ സഭാ നടപടികള് സ്പീക്കര് നിര്ത്തിവെച്ചു.
പത്ത് മിനിറ്റിന് ശേഷം സ്പീക്കര് സഭ നടപടികള് പുനരാരംഭിച്ചു. എന്നാല് പ്രതിപക്ഷം വിട്ടില്ല. ക്രൂരവും നിന്ദ്യവും മര്യാദകേടുമാണ് മണി പറഞ്ഞതെന്ന് പ്രതിപക്ഷ നേതാവ് വിഡി സതീശന് കുറ്റപ്പെടുത്തി. എന്നാല് എം എം മണിക്ക് പറയാനുള്ളത് തുടര്ന്ന് പറയട്ടെയെന്നാണ് സ്പീക്കര് സ്വീകരിച്ച നിലപാട്. എം എം മണി പ്രസംഗിക്കാന് വീണ്ടും എഴുന്നേറ്റു. പ്രതിപക്ഷം പ്രതിഷേധം തുടര്ന്നു. ഡയസിന് മുന്നിലാണ് പ്രതിപക്ഷം ഇപ്പോഴുള്ളത്.
പാര്ട്ടിക്കാരാല് വന്ധ്യംകരിക്കപ്പെടുന്ന സംവിധാനമായി പൊലീസുകാര് മാറിയെന്നാണ് കെ.കെ.രമ എംഎല്എ നിയമസഭയില് പറഞ്ഞത്. ആഭ്യന്തരവകുപ്പ് ഇരകള്ക്കൊപ്പം കിതയ്ക്കുകയും വേട്ടക്കാര്ക്കൊപ്പം കുതിക്കുകയും ചെയ്യുകയാണെന്ന ആരോപണം ശക്തിപ്പെടുകയാണ്. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പ്രസംഗിച്ച വേദിക്കരികിലേക്കു ബോംബെറിഞ്ഞിട്ടും ആരെയും പിടിക്കാന് കഴിഞ്ഞിട്ടില്ല.
മുഖ്യമന്ത്രി പിണറായി വിജയനു പാതയൊരുക്കാന് സമയം ചെലവഴിക്കുകയാണു പൊലീസുകാര്. പൊതുജനങ്ങളെ ബന്ദികളാക്കി ചീറിപായുന്ന മുഖ്യമന്ത്രി, സഞ്ചരിക്കുന്ന അടിയന്തരാവസ്ഥയായി മാറിക്കൊണ്ടിരിക്കുകയാണെന്നും ധനാഭ്യര്ഥന ചര്ച്ചയില് കെ.കെ. രമ പറഞ്ഞു.
https://www.facebook.com/Malayalivartha
