കൊല്ലത്ത് വയോധികയെ വീട്ടിൽ അതിക്രമിച്ചുകയറി പലതവണ തവണ പീഡിപ്പിച്ചു, കൊല്ലുമെന്ന് ഭീഷണിപ്പെടുത്തി 85കാരിയെ മൂന്നുമാസമായി പീഡിപ്പിച്ച് പോരുകയായിരുന്ന മധ്യവയസ്കൻ പോലീസ് പിടിയിൽ
കൊല്ലത്ത് വീട്ടിൽ ആരുമില്ലാത്ത സമയത്ത് വയോധികയെ പലതവണ ബലാത്സംഗംചെയ്ത മധ്യവയസ്കനെ പോലീസ് അറസ്റ്റു ചെയ്തു.പ്രാക്കുളം പള്ളാപ്പില് ലക്ഷംവീട്ടില് ജോര്ജി (50) നെയാണ് അഞ്ചാലുംമൂട് പോലീസ് പിടിയിലായത്.
മകനും മരുമകള്ക്കുമൊപ്പം താമസിച്ചുവന്ന 85കാരിയെ ഇവര് ജോലിക്കുപോകുന്ന സമയത്ത് ഇയാൾ വീട്ടില് അതിക്രമിച്ചുകയറി കൊല്ലുമെന്ന് ഭീഷണിപ്പെടുത്തി മൂന്നുമാസമായി പീഡിപ്പിച്ച്പോരുകയായിരുന്നു എന്നാണ് പോലീസ് പറയുന്നത്.പ്രതി വയോധികയുടെ വീട്ടില്നിന്ന് പലപ്പോഴും ഇറങ്ങിവരുന്നത് കണ്ടതിനെത്തുടര്ന്ന് ബന്ധുക്കള് പോലീസില് പരാതി നല്കുകയായിരുന്നു.
കൊല്ലം ക്രൈംബ്രാഞ്ച് അസിസ്റ്റന്റ് കമ്മിഷണര് സക്കറിയ മാത്യുവിന്റെ നേതൃത്വത്തില് അഞ്ചാലുംമൂട് എസ്.എച്ച്.ഒ. സി.ദേവരാജന്, എസ്.ഐ.മാരായ ഹക്കിം, റഹിം, എ.എസ്.ഐ.മാരായ പ്രദീപ്, രാജേഷ്, എസ്.സി.പി.ഒ. ബന്സി തുടങ്ങിയവരടങ്ങിയ സംഘമാണ് പ്രതിയെ അറസ്റ്റു ചെയ്തത്.വയോധികയെ വൈദ്യപരിശോധനയ്ക്കു വിധേയമാക്കി. പട്ടികജാതി പീഡനം, ബലാത്സംഗം തുടങ്ങിയ വകുപ്പുകള് ചേര്ത്താണ് പ്രതിയെ അറസ്റ്റുചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
https://www.facebook.com/Malayalivartha
