മഹിളാ മോര്‍ച്ച നേതാവ് ശരണ്യ ആത്മഹത്യ ചെയ്ത കേസില്‍ ആത്മഹത്യാ പ്രേരണ കുറ്റം ചുമത്തപ്പെട്ട ബിജെപി നേതാവ് പ്രജീവ് കീഴടങ്ങി. രാവിലെ പത്തുമണിയോടെ പാലക്കാട് നോര്‍ത്ത് പൊലീസ് സ്റ്റേഷനിലെത്തി കീഴടങ്ങുകയായിരുന്നു. ബിജെപി നേതാവ് പ്രജീവ് ആണ് തന്റെ മരണത്തിന് കാരണമെന്ന് ആത്മഹത്യാക്കുറിപ്പില്‍ പറയുന്നു. പ്രജീവിനെ വിശ്വസിച്ച് പല കാര്യങ്ങളും ചെയ്തു. ഇപ്പോള്‍ ചതിച്ചുവെന്ന് തിരിച്ചറിഞ്ഞതില്‍ മനം നൊന്താണ് ആത്മഹത്യ ചെയ്യാന്‍ തീരുമാനിച്ചത്. തന്റെ മരണത്തില്‍ മറ്റാര്‍ക്കും പങ്കില്ലെന്നും ശരണ്യയുടെ കുറിപ്പിലുണ്ട്. പ്രജീവിന്റെ കള്ളക്കളികള്‍ മുഴുവന്‍ പുറത്തുകൊണ്ടുവരണമെന്നും കുറിപ്പില്‍ ആവശ്യപ്പെടുന്നു.

'എന്റെ പൊന്നു മക്കളെ നിങ്ങളെ ഞാന്‍ മറന്നു. ചിന്നൂ.. റാം ലൗ യൂ മക്കളെ. നല്ലോണം പഠിക്കണം. രണ്ടു പേരും നല്ല കുട്ടികള്‍ ആയിരിക്കണം. അപ്പനേയോ അമ്മച്ചിയേയോ ശല്യം ചെയ്യാന്‍ പാടില്ല. ലൗ യൂ മുത്തുമണീസ്...' കഴിഞ്ഞ ദിവസം ആത്മഹത്യ ചെയ്ത ബിജെപി മഹിളാ മോര്‍ച്ചാ നേതാവ് ശരണ്യാ ആത്മഹത്യാ കുറിപ്പില്‍ എഴുതിയ വാക്കുകാളാണ്. മലയാളം എഴുതാനറിയാത്ത ശരണ്യ ഇംഗ്ലീഷിലാണ് കത്തെഴുതിയിരിക്കുന്നത്. കത്തില്‍ സുഹൃത്തായ എസ്.ആര്‍.എം.യു ഒലവക്കോട് യൂണിറ്റ് പ്രസിഡന്റ് പ്രജീവിനെതിരെ ഗുരുതര ആരോപണങ്ങളാണ് ഉന്നയിക്കുന്നത്. മരണത്തിന് ഉത്തരവാദി പ്രജീവാണെന്നും ഇയാളെ വെറുതെ വിടരുതെന്നും കത്തില്‍ ശരണ്യ കുറിച്ചിട്ടുണ്ട്. പ്രജീവിന്റെയും ഭാര്യയുടെയും നമ്പറുകളും കത്തിലുണ്ട്.

ശരണ്യ ആത്മഹത്യക്ക് ശ്രമിക്കുന്നുവെന്ന കാര്യം പ്രജീവ് തന്നെയാണ് ഭര്‍ത്താവിനെ വിളിച്ച് അറിയിച്ചത്. പിന്നീട് വീട്ടുകാര്‍ എത്തിയപ്പോഴേക്കും ശരണ്യ തൂങ്ങി മരിച്ച നിലയിലായിരുന്നു. സംഭവത്തിന് പിന്നാലെ പ്രജീവ് ഒളിവില്‍ പോയിയിരുന്നു.

ഞാന്‍ മരിച്ചാലും നിനക്ക് ശിക്ഷ കിട്ടില്ലെങ്കിലും ഞാന്‍ നിന്നെ ശിക്ഷിക്കും. മറ്റ് പെണ്‍കുട്ടികളുമായുള്ള ബന്ധങ്ങളുടെ വിശദാംശങ്ങള്‍ എന്റെ ഫോണിലുണ്ട്. എന്റെ ഭാഗത്ത് തെറ്റുണ്ടായി. ആ തെറ്റിന് ഞാന്‍ എന്നെ സ്വയം ശിക്ഷിക്കുന്നു. എല്ലാവരും എന്നോട് ക്ഷമിക്കണം എന്നും കത്തില്‍ പറയുന്നുണ്ട്. പ്രജീവ് ചതി ചെയ്തതിനെ തുടര്‍ന്നാണ് ശരണ്യ ജീവനൊടുക്കിയത് എന്ന് വ്യക്തമാക്കുന്ന താണ് ആത്മഹത്യാ കുറിപ്പ്.

ാന്‍ ആത്മഹത്യ ചെയ്യാന്‍ പോവുകയാണെന്നുള്ള വിവരവും പറഞ്ഞു. ഈ സമയം വീട്ടില്‍ ഭര്‍ത്താവ് രമേഷും മക്കളും ഇല്ലായിരുന്നു. രമേഷ് ഒരു ക്ഷേത്രത്തിലെ കുംഭാഭിഷേകത്തിന് പോയിരിക്കുകയായിരുന്നു. ശരണ്യയുടെ ഫോണ്‍ കോളിന് പിന്നാലെ പ്രജീവ് സുഹൃത്തായ പ്രജിത്തിന് വിളിച്ച് ശരണ്യ തൂങ്ങിമരിക്കുമെന്ന് പറഞ്ഞെന്നും വേഗം അവിടേക്ക് എത്തണമെന്നും അറിയിച്ചു. പ്രജിത്ത് വിവരം രമേഷിനെ അറിയിക്കുകയും വേഗം തന്നെ സ്ഥലത്തെത്തുകയും ചെയ്തു. വീടിന്റെ വാതില്‍ അടഞ്ഞു കിടക്കുകയായിരുന്നു.

രമേഷും പ്രജിത്തും ചേര്‍ന്ന് വാതില്‍ ചവിട്ടിപ്പൊളിച്ച് അകത്തു കയറിയെങ്കിലും ജീവന്‍ രക്ഷിക്കാന്‍ കഴിഞ്ഞില്ല. തൊട്ടു പിന്നാലെ പ്രജീവും ഭാര്യയും ഇവിടെയെത്തുകയും ചെയ്തു. പ്രജീവിനെതിരെയും പ്രജിത്തിനിതിരെയും കേസെടുക്കണമെന്നാണ് ബന്ധുക്കളുടെ ആവശ്യം.