പതിനഞ്ചുകാരിയെ തട്ടിക്കൊണ്ടുപോയ കേസില് മകനെ പ്രതി ചേര്ത്തതില് മനംനൊന്ത വീട്ടമ്മ തൂങ്ങിമരിച്ച നിലയില്....
പതിനഞ്ചുകാരിയെ തട്ടിക്കൊണ്ടുപോയ കേസില് മകനെ പ്രതിചേര്ത്തതില് മനംനൊന്ത വീട്ടമ്മ തൂങ്ങിമരിച്ച നിലയില്. പുറക്കാട്ടിരി കളപ്പുരക്കണ്ടിയില് സുന്ദരന്റെ ഭാര്യ ജലജ(52)യെയാണ് ഇന്നലെ രാവിലെ വീട്ടിലെ മുറിയില് തൂങ്ങിമരിച്ച നിലയില് കണ്ടെത്തിയത്.
പെണ്കുട്ടിയെ തട്ടിക്കൊണ്ടുപോയ കേസില് കൂട്ടുപ്രതിയായി മകന് സുബിനെ (22) വ്യാഴാഴ്ച എലത്തൂര് പൊലീസ് അറസ്റ്റ് ചെയ്തതിനെ തുടര്ന്ന് കോടതി റിമാന്ഡ് ചെയ്തിട്ടുണ്ടായിരുന്നു. വ്യാഴാഴ്ച വൈകീട്ടുവരെ എലത്തൂര് പൊലീസ് സ്റ്റേഷനിലുണ്ടായിരുന്ന ജലജ വീട്ടിലെത്തിയതോടെ ഏറെ നിരാശയിലായിരുന്നു.
സുബിന്റെ കേസ് സംബന്ധിച്ച വിവരങ്ങള് പൊലീസ് പറഞ്ഞതോടെ ജലജയുടെ മനോനില തെറ്റിയതിനാല് ബന്ധുക്കള് രാത്രി ഉറക്കമൊഴിച്ചു ശ്രദ്ധിച്ചിരിക്കുകയായിരുന്നു.
എന്നാല് രാവിലെ വീട്ടുകാര് ഉറങ്ങിപ്പോയ സമയത്ത് ഒമ്പതു മണിയോടെയാണ് മരിച്ചതെന്നാണ് ബന്ധുക്കള് പറയുന്നത്. മൃതദേഹം കോഴിക്കോട് മെഡിക്കല് കോളജ് ആശുപത്രി മോര്ച്ചറിയില്. പോസ്റ്റ്മോര്ട്ടത്തിനു ശേഷം ശനിയാഴ്ച ഉച്ചക്ക് 12 മണിയോടെ വെസ്റ്റ് ഹില് ശ്മശാനത്തില് സംസ്കരിക്കും. റിമാന്ഡിലായ സുബിനെ സംസ്കാര ചടങ്ങുകളില് പങ്കെടുപ്പിക്കാന് പൊലീസ് നടപടി സ്വീകരിച്ചു.
"
https://www.facebook.com/Malayalivartha
