സംസ്ഥാനത്ത് ഇന്നും കനത്ത മഴയ്ക്ക് സാധ്യത.... ആറ് ജില്ലകളില് യെല്ലോ അലര്ട്ട്, രൂക്ഷമായ കടലാക്രമണ മുന്നറിയിപ്പുള്ളതിനാല് മത്സ്യതൊഴിലാളികള് ജാഗ്രത പാലിക്കണം
സംസ്ഥാനത്ത് ഇന്നും കനത്ത മഴയ്ക്ക് സാധ്യത.... ആറ് ജില്ലകളില് യെല്ലോ അലര്ട്ട്, രൂക്ഷമായ കടലാക്രമണ മുന്നറിയിപ്പുള്ളതിനാല് മത്സ്യതൊഴിലാളികള് ജാഗ്രത പാലിക്കേണ്ടതാണ്.
വടക്കന് ജില്ലകളില് തന്നെയാണ് കൂടുതല് മഴയ്ക്ക് സാധ്യത. ആറ് ജില്ലകളില് യെല്ലോ അലര്ട്ടുണ്ട്. എറണാകുളം, തൃശ്ശൂര്, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് മഴ മുന്നറിയിപ്പ്. അറബിക്കടലിലെ ഇരട്ട ന്യൂനമര്ദ്ദമാണ് മഴ ശക്തമായി തുടരാന് കാരണം. എന്നാല് ഇനിയുള്ള ദിവസങ്ങളില് മഴയുടെ ശക്തി കുറയാനാണ് സാധ്യതയേറെ.
വടക്ക് കിഴക്കന് അറബികടലില് ഗുജറാത്ത് തീരത്തിനു സമീപം രൂപപ്പെട്ട ന്യൂനമര്ദ്ദം വടക്ക് കിഴക്കന് അറബികടലില് സൗരാഷ്ട്ര - കച്ച് തീരത്തിന് സമീപം ശക്തികൂടിയ ന്യൂനമര്ദ്ദമായി നിലനില്ക്കുന്നു.
അടുത്ത 24 മണിക്കൂറിനുള്ളില് പടിഞ്ഞാറു ദിശയില് സഞ്ചരിക്കുന്ന ശക്തികൂടിയ ന്യുന മര്ദ്ദം ശക്തി പ്രാപിച്ചു തീവ്ര ന്യൂനമര്ദ്ദമാകാന് സാധ്യതയുണ്ട്. ഒഡിഷ തീരത്തിനും സമീപപ്രദേശത്തിനും മുകളിലായി ന്യൂനമര്ദ്ദം നിലനില്ക്കുന്നു.
രൂക്ഷമായ കടലാക്രമണ മുന്നറിയിപ്പുള്ളതിനാല് മത്സ്യതൊഴിലാളികള് ജാഗ്രത പാലിക്കേണ്ടതാണ്. സംസ്ഥാനത്ത് കാലവര്ഷക്കെടുതിയില് ഒരാള് കൂടി മരിച്ചു. കോഴിക്കോട് കൂടരഞ്ഞിയിലാണ് ഒഴുക്കില്പ്പെട്ട് ഒരാള് മരിച്ചത്. കോഴിക്കോട്, കണ്ണൂര്, തൃശ്ശൂര്, പാലക്കാട് ജില്ലകളില് നിരവധി വീടുകള് തകര്ന്നു. ആയിരക്കണക്കിന് ഹെക്ടര് സ്ഥലത്തെ കൃഷി നശിച്ചു. കോഴിക്കോട് വെള്ളയില് ഹാര്ബറില് വീശിയടിച്ച ശക്തമായ കാറ്റില് ആറ് വള്ളങ്ങള് തകര്ന്നു.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
മല്സ്യബന്ധന യാനങ്ങള് (ബോട്ട്, വള്ളം, മുതലായവ) ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കേണ്ടതാണ്.
"
https://www.facebook.com/Malayalivartha
