ആ കാഴ്ച കണ്ട് ഞെട്ടി.... നെയ്യാറ്റിന്കരയില് തമിഴ്നാട് ട്രാന്സ്പോര്ട്ട് കോര്പറേഷന്റെ ബസ് യുവതിയുടെ കാലില് കയറിയിറങ്ങി....വലതു കാലിലെ എല്ലുകള് നുറുങ്ങിപ്പോയി,ഇടതു കാലിലെ എല്ലിനും പൊട്ടല്, അടിയന്തര ശസ്ത്രക്രിയയ്ക്കു വിധേയയാക്കിയ യുവതി നിരീക്ഷണത്തില്
ആ കാഴ്ച കണ്ട് ഞെട്ടി.... നെയ്യാറ്റിന്കരയില് തമിഴ്നാട് ട്രാന്സ്പോര്ട്ട് കോര്പറേഷന്റെ ബസ് യുവതിയുടെ കാലില് കയറിയിറങ്ങി....വലതു കാലിലെ എല്ലുകള് നുറുങ്ങിപ്പോയി,ഇടതു കാലിലെ എല്ലിനും പൊട്ടല്, അടിയന്തര ശസ്ത്രക്രിയയ്ക്കു വിധേയയാക്കിയ യുവതി നിരീക്ഷണത്തിലാണ്.
ഗുരുതരമായി പരുക്കേറ്റ പൂവാര് പള്ളം പുരയിടത്തില് സില്വയ്യന്റെ ഭാര്യ ജെ.എസ്. അജിതയെ (26) തലസ്ഥാനത്തെ സ്വകാര്യ ആശുപത്രിയിലാണ് പ്രവേശിപ്പിച്ചത്.
അടിയന്തര ശസ്ത്രക്രിയയ്ക്കു വിധേയയാക്കിയ അജിത, നിരീക്ഷണത്തില് കഴിയുകയാണ്. വലതു കാലിലെ എല്ലുകള് നുറുങ്ങിപ്പോയി. അഞ്ച് മണിക്കൂറോളം നീണ്ട ശസ്ത്രക്രിയയിലൂടെ അവ കൂട്ടിയോജിപ്പിച്ചു എങ്കിലും 3 ദിവസം കഴിഞ്ഞേ എന്തെങ്കിലും പറയാനാകൂ എന്ന് ആശുപത്രി അധികൃതര് .
ഇടതു കാലിലെ എല്ലിനും പൊട്ടലുണ്ട്. ഇന്നലെ രാവിലെ ഒന്പതരയോടെ നെയ്യാറ്റിന്കര ബസ് സ്റ്റാന്ഡ് ജംഗ്ഷനിലാണ് അപകടം നടന്നത് . ഓവര്ടേക്ക് ചെയ്യുന്നതിനിടെ സ്കൂട്ടറിന്റെ ഹാന്ഡിലില് തട്ടി അജിത, ബസിന്റെ അടിയിലേക്കു വീണു.
ഉരുണ്ടു മാറാന് ശ്രമിച്ചെങ്കിലും പിന് ചക്രങ്ങള് വലതു കാലില് കയറിയിറങ്ങി. ഉടന് തന്നെ നെയ്യാറ്റിന്കര ജനറല് ആശുപത്രിയിലും അവിടെ നിന്ന് ആംബുലന്സില് തലസ്ഥാനത്തെ എസ്പി ഫോര്ട്ട് ആശുപത്രിയിലും പ്രവേശിപ്പിച്ചു. അജിത, നെയ്യാറ്റിന്കരയിലെ ഭാരത് സേവക് സമാജില് ഡിഎംഎല്ടി (ലാബ് ടെക്നിഷ്യന്) കോഴ്സ് പഠിക്കുകയാണ്. ഭര്ത്താവ് സില്വയ്യന് വിദേശത്താണ്.
മൂന്നര വയസ്സുള്ള കുഞ്ഞുണ്ട്. നെയ്യാറ്റിന്കരയില് ഒരു മാസത്തിനിടെ ഉണ്ടായ പത്തോളം വാഹനാപകടങ്ങളില് മൂന്നെണ്ണത്തില് തമിഴ്നാട് ട്രാന്സ്പോര്ട്ട് കോര്പറേഷന്റെ ബസുണ്ട്. കഴിഞ്ഞ മാസം 25നു പുലര്ച്ചെ ആലുംമൂട് ജംഗ്ഷനു സമീപത്തായി 3 പേരെ ഇടിച്ചു തെറിപ്പിച്ചിരുന്നു. ഇതില് പ്രഭാത സവാരിക്ക് ഇറങ്ങിയ ആള് പിന്നീട് മരിച്ചു. ഈ മാസം 1ന് രാത്രി പന്ത്രണ്ടരയോടെയായിരുന്നു അടുത്ത അപകടം.
വിഴിഞ്ഞം രാജ്യാന്തര തുറമുഖ നിര്മാണത്തിലേക്കായി കരിങ്കല്ലുമായി എത്തിയ ലോറിയില് കൂട്ടിയിടിക്കുകയായിരുന്നു. സംഭവത്തില് പതിനഞ്ചോളം പേര്ക്കു പരുക്കേറ്റു.ഒരു മാസത്തിനിടെ നെയ്യാറ്റിന്കരയില് പത്തോളം അപകടങ്ങളാണുണ്ടായത്. ഇതില് 3 ജീവനുകള് പൊലിഞ്ഞു.
ബസ് തട്ടി അജിത വീണു കിടന്നപ്പോള് ആള്ക്കാര് ഓടിക്കൂടിയെങ്കിലും പൊലീസാണ് ആശുപത്രിയില് എത്തിച്ചത്. ബസിന്റെ ചക്രങ്ങള് കയറിയിറങ്ങി ചതഞ്ഞ് അരഞ്ഞു പോയ കാലുകള് കണ്ടപ്പോള് ഓടിക്കൂടിയവര് അക്ഷരാര്ഥത്തില് നിശ്ചലമായിപ്പോയി. നെയ്യാറ്റിന്കര ജനറല് ആശുപത്രിയില് പ്രവേശിപ്പിച്ചപ്പോള് അജിത, വേദനയാല് പുളയുകയും നിലവിളിക്കുകയും ചെയ്തു
.
നെയ്യാറ്റിന്കര എസ്ഐയുടെ നേതൃത്വത്തില് പിന്നീട് തലസ്ഥാനത്തെ സ്വകാര്യ ആശുപത്രിയിലേക്ക് അജിതയെ ആംബുലന്സില് കയറ്റി അയച്ചു.
"
https://www.facebook.com/Malayalivartha
