സംസ്ഥാനത്ത് ഇന്നും വ്യാപക മഴയ്ക്ക് സാധ്യത.... അഞ്ച് ജില്ലകളില് യെല്ലോ അലര്ട്ട്, ലയോര മേഖലകളില് പ്രത്യേകം ജാഗ്രത വേണമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്
സംസ്ഥാനത്ത് ഇന്നും വ്യാപക മഴയ്ക്ക് സാദ്ധ്യത. വടക്കന് കേരളത്തിലാണ് കൂടുതല് മഴ കിട്ടുക. അഞ്ച് ജില്ലകളില് യെല്ലോ അലര്ട്ട് പ്രഖ്യാപിച്ചു. ഇടുക്കി, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട്.
കനത്ത മഴ ലഭിച്ച മലയോര മേഖലകളില് പ്രത്യേകം ജാഗ്രത വേണമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ് . അറബിക്കടലിലും ബംഗാള് ഉള്ക്കടലിലും നിലനില്ക്കുന്ന ന്യൂനമര്ദങ്ങളും മഹാരാഷ്ട്ര മുതല് ഗുജറാത്ത് വരെയുള്ള ന്യൂനമര്ദപാത്തിയുമാണ് മഴയ്ക്ക് കാരണം. നാളെയോടെ മഴയുടെ ശക്തി കുറഞ്ഞേക്കും.
നാളെ ഇടുക്കി, മലപ്പുറം, കാസര്കോട് ജില്ലകളില് യെല്ലോ അലര്ട്ടാണ്. സംസ്ഥാനത്ത് കഴിഞ്ഞ ഒരാഴ്ച കൊണ്ട് 259 മില്ലീമീറ്റര് മഴയാണ് പെയ്തത്.അതേസമയം, മുല്ലപ്പെരിയാര് അണക്കെട്ടിലെ ജലനിരപ്പ് 135.70 അടിയിലെത്തി. സെക്കന്ഡില് 4000 ഘനയടി വെള്ളമാണ് ഇപ്പോള് അണക്കെട്ടിലേക്ക് ഒഴുകിയെത്തുന്നത്. തമിഴ്നാട് കേരളത്തിന് ആദ്യഘട്ട മുന്നറിയിപ്പ് നല്കി.
"
https://www.facebook.com/Malayalivartha
