സ്ത്രീ സുരക്ഷയ്ക്ക് ഏറ്റവും കൂടുതല്‍ പ്രാധാന്യം നല്‍കുന്ന പിണറായി സര്‍ക്കാര്‍ കേരളത്തില്‍ കാട്ടിക്കൂട്ടുന്നത് സ്വന്തം പാര്‍ട്ടിക്കാര്‍ക്കുപോലും ദഹിക്കുന്നില്ല. പിണറായിയുടേത് ഫാസിസ്റ്റ് ഭരണകൂടമാണെന്നാണ് അവര്‍ പോലും വിശേഷിപ്പിക്കുന്നത്. ഈ കഴിഞ്ഞ മൂന്ന് ദിവസം മാത്രം എടുത്തു നോക്കിയാല്‍ സമൂഹത്തില്‍ നല്ല നിലയില്‍ ഇരിക്കുന്ന സ്ത്രീകളെ പോലും ചവിട്ടി അരയ്ക്കുന്ന സമീപനമാണ് ഭാസിസ്റ്റ് പിണറായി ഭരണകൂടം എടുത്തിരിക്കുന്നത്. അതിപ്പോള്‍ തുറന്നു കാട്ടപ്പെടുകയാണ്.

സ്വന്തം പക്ഷത്തു നില്‍ക്കുന്നവരെ പോലും അവഹേളിക്കുന്ന തരത്തിലാണ് ഈ ഭരണ കൂടം ഇപ്പോള്‍ മുന്നോട്ട് പോകുന്നത്. ആനി രാജയ്ക്ക് സംഭവിച്ചത് അതില്‍ ഒന്ന് മാത്രമാണ്. എംഎം മണി എന്ന മുന്‍ മന്ത്രിയും എംഎല്‍എയുമായ ആളെ കയറൂരി വിട്ടിരിക്കുകയാണോ പിണറായി എന്ന ചോദ്യവും ഇവിടെ പ്രസക്തമാകുകയാണ്. ഇതുസംബന്ധിച്ച ചോദ്യങ്ങളില്‍ നിന്ന് പിണറായി വിജയന്‍ ഒഴിഞ്ഞു മാറിയത് അപഹാസ്യമാണ്. മഴയെ കുറിച്ച് പറഞ്ഞുകൊണ്ട് മാധ്യമപ്രവര്‍ത്തകരെ കളിയാക്കുന്ന സമീപനമാണ് മുഖ്യമന്ത്രി പിണറായി വിജയന്‍ സ്വീകരിച്ചത്. കേരളത്തിലെ ജനങ്ങള്‍ക്കിടയില്‍ പ്രത്യേകിച്ച് പാര്‍ട്ടിക്കാര്‍ക്കിടയിലും വെറുക്കപ്പെടുകയാണ് ഈ ഭരണകൂടം.

സംസ്ഥാന ചലച്ചിത്ര അക്കാദമി നടത്തുന്ന മൂന്നാമത് വനിതാ ചലച്ചിത്ര മേളയില്‍ നിന്ന് സ്വന്തം സിനിമ ഒഴിവാക്കിയതിനെതിരെ പ്രതിഷേധിച്ച വനിതാ സംവിധായിക കുഞ്ഞില മസിലമണിയെ ഇന്നലെ പൊലീസ് അറസ്റ്റു ചെയ്‌തൊരു നടപടിയും നാം കണ്ടു ചെയ്തിരുന്നു. ഈ കാടത്ത പൊലീസ് നടപടിക്കെതിരെ പ്രതിഷേധം ശക്തമാകുകയാണ്. സംവിധായികയ്ക്ക് പിന്തുണയറിയിച്ച് നടന്‍ ഹരീഷ് പേരടി രംഗത്തെത്തിയിരുന്നു. കഴിഞ്ഞ രണ്ട് ദിവസങ്ങള്‍ക്കിടെ സംസ്ഥാനത്തെ ഭരണകൂട ഫാസിസത്തില്‍ മൂന്ന് സ്ത്രീകളാണ് അപമാനിക്കപ്പെട്ടതെന്ന് അദ്ദേഹവും ഫേസ്ബുക്കിലിട്ട കുറിപ്പില്‍ പറയുന്നു. ശക്തമായ സ്ത്രീപക്ഷ സിനിമയുടെ സംവിധായികയാണ് തൂക്കി വലിച്ച് കടക്ക് പുറത്തെന്ന് പറഞ്ഞ് പടിയടച്ച് പിണ്ഡംവച്ചതെന്ന് അദ്ദേഹം വിമര്‍ശിച്ചു.

കാര്യങ്ങള്‍ സഹിക്കാവുന്നതിലും അപ്പുറമെത്തിയെന്നും ഉള്ളതെല്ലാം വിറ്റു പെറുക്കി ഈ ചെകുത്താന്റെ സ്വന്തം നാട്ടില്‍ നിന്ന് എത്രയും പെട്ടന്ന് രക്ഷപ്പെട്ടാല്‍ അത്രയും നന്ന് എന്ന് തോന്നി പോവുകയാണെന്നും അദ്ദേഹം കുറിച്ചു.

ഫേസ്ബുക്ക് പോസ്റ്റിന്റെ പൂര്‍ണ്ണരൂപം

കുഞ്ഞില,കെ.കെ.രമ,ആനി രാജ..രണ്ട് നാള്‍ക്കുള്ളില്‍ കേരളത്തിലെ ഭരണകൂട ഫാസിസത്തില്‍..അധികാര അഹങ്കാരങ്ങളില്‍ അപമാനിക്കപ്പെട്ട മൂന്ന് സ്ത്രീകള്‍... ഈ അടുത്ത കാലത്ത് കണ്ട ശക്തമായ സ്ത്രീപക്ഷ സിനിമയായിരുന്നു അസംഘടിതര്‍...കോഴിക്കോട്ടെ കോളാബിയില്‍ വെറും സവര്‍ണ്ണ തുപ്പലുകള്‍ മാത്രം മതിയെന്ന് മൂന്‍കൂട്ടി നിശ്ചയിച്ചവര്‍ വനിതാ ചലചിത്ര മേളയില്‍ അസംഘടിതകര്‍ക്ക് സ്ഥാനം കൊടുക്കാത്തതില്‍ അത്ഭുതമില്ല...

അടിമകള്‍ ചെരുപ്പ് നക്കുകയെന്നത് അവരുടെ വിധിയാണ് ...(പുതിയ കാലത്തെ ഭാഷ) ആ സിനിമയുടെ നന്മയെ പറ്റി മുന്‍പും ഞാന്‍ എഴുതിയിട്ടുണ്ട്..അതിന്റെ സംവിധായകയെയാണ് ഇന്ന് തൂക്കി വലിച്ച് കടക്ക് പുറത്ത് എന്ന് പറഞ്ഞ് പടിയടച്ച് പിണ്ഡം വെച്ചത്...ആണ്‍ പെണ്‍ വിത്യാസമില്ലാതെ സിംഹത്തിന്റെ ശില്പത്തിന് ഭാവം മാറിയെന്ന് നിലവിളിച്ച എല്ലാ ഭരണകൂട അടിമകളും സാംസ്‌കാരിക നേന്ത്രപഴം തിന്നു കൊണ്ടിരിക്കുകയാണ്...ഉള്ളതെല്ലാം വിറ്റു പെറുക്കി ഈ ചെകുത്താന്റെ സ്വന്തം നാട്ടില്‍ നിന്ന് എത്രയും പെട്ടന്ന് രക്ഷപ്പെട്ടാല്‍ അത്രയും നന്ന് എന്ന് തോന്നി പോവുകയാണ്...സഹിക്കാവുന്നതിന്റെയും അപ്പുറമെത്തി കാര്യങ്ങള്‍...