രാജ്യത്തിന് ഇത് അഭിമാനകരമായ നിമിഷം... രാജ്യത്ത് 200 കോടി വാക്സിനേഷന്‍ എന്ന നാഴികക്കല്ല് കടന്നതില്‍ ഭാരതീയരെ അഭിനന്ദിച്ച് പ്രധാനമന്ത്രി നരേന്ദ്ര മോദി.... രാജ്യത്തിന് ഇത് അഭിമാനകരമായ നിമിഷമാണെന്നും ഈ നേട്ടം കൈവരിക്കാന്‍ അക്ഷീണം പ്രയത്‌നിച്ച എല്ലാ ആരോഗ്യപ്രവര്‍ത്തകരെയും പൗരന്മാരെയും അഭിനന്ദിക്കുന്നുവെന്നും കേന്ദ്ര ആരോഗ്യമന്ത്രി മന്‍സൂഖ് മാണ്ഡവ്യ

രാജ്യത്ത് 200 കോടി വാക്സിനേഷന്‍ എന്ന നാഴികക്കല്ല് കടന്നതില്‍ ഭാരതീയരെ അഭിനന്ദിച്ച് പ്രധാനമന്ത്രി നരേന്ദ്ര മോദി. ഇന്ത്യ വീണ്ടും ചരിത്രം സൃഷ്ടിച്ചുവെന്ന് അദ്ദേഹം പറഞ്ഞു. ട്വിറ്ററിലൂടെയാണ് പ്രധാനമന്ത്രി ഇക്കാര്യം അറിയിച്ചത്. രാജ്യത്തെ വാക്സിനേഷന്‍ ഡ്രൈവ് വേഗത്തില്‍ മുന്നോട്ട് പ്രവര്‍ത്തിച്ച ഓരോ വ്യക്തിയെയും ഓര്‍ത്ത് അഭിമാനിക്കുന്നു.

ഇത് കൊറോണയ്ക്കെതിരെ നടക്കുന്ന ആഗോള പോരാട്ടത്തെ ശക്തിപ്പെടുത്തിയെന്ന് അദ്ദേഹം പറഞ്ഞു. 2021 ജനുവരി 16 മുതല്‍ രാജ്യവ്യാപകമായി ആരംഭിച്ച വാക്‌സിനേഷന്‍ യജ്ഞത്തിനൊടുവിലാണ് ഇന്ത്യയില്‍ 200 കോടി വാക്‌സിന്‍ ഡോസുകളുടെ വിതരണം പൂര്‍ത്തീകരിച്ചത്. കേന്ദ്ര ആരോഗ്യമന്ത്രി മന്‍സൂഖ് മാണ്ഡവ്യയാണ് ഇക്കാര്യം അറിയിച്ചത്.

രാജ്യത്തിന് ഇത് അഭിമാനകരമായ നിമിഷമാണെന്നും ഈ നേട്ടം കൈവരിക്കാന്‍ അക്ഷീണം പ്രയത്‌നിച്ച എല്ലാ ആരോഗ്യപ്രവര്‍ത്തകരെയും പൗരന്മാരെയും അഭിനന്ദിക്കുന്നുവെന്നും കേന്ദ്ര ആരോഗ്യമന്ത്രി മന്‍സൂഖ് മാണ്ഡവ്യ പറഞ്ഞു.

സ്വാതന്ത്ര്യത്തിന്റെ 75-ാം വാര്‍ഷികം ആഘോഷിക്കുന്ന രാജ്യത്ത് ആസാദി കാ അമൃത് മഹോത്സവത്തിന്റെ ഭാഗമായി ജൂലൈ 15 മുതല്‍ 75 ദിവസത്തേക്ക് എല്ലാ മുതിര്‍ന്നവര്‍ക്കും സൗജന്യ മുന്‍കരുതല്‍ വാക്സിന്‍ ഡോസുകള്‍ നല്‍കുമെന്ന് കേന്ദ്രം പ്രഖ്യാപിച്ചിരുന്നു.