കോട്ടയം നഗരത്തില്‍ സ്റ്റേഷനറി കടയുടെ ഗോഡൗണില്‍ തീപിടിച്ചു..... കെട്ടിടത്തിലുണ്ടായ സാധനങ്ങളേറെയും കത്തി നശിച്ചു, പുലര്‍ച്ചെയോടെയായിരുന്നു സംഭവം.

എംഎല്‍ റോഡില്‍ ബവ്‌റിജസ് കോര്‍പറേഷന്റെ ഔട്ലെറ്റിന് എതിര്‍വശത്തുള്ള ഗോഡൗണിനാണ് ഇന്ന് പുലര്‍ച്ചെ 1.15ന് തീപിടുത്തമുണ്ടായത്. മിക്ക സാധനങ്ങളും കത്തിനശിച്ചു.

രണ്ടു മണിയോടെ ഭാഗികമായി തീയണച്ചു. മാങ്ങാനത്തു താമസിക്കുന്ന ഈരയില്‍ക്കടവ് സ്വദേശി സുനില്‍ വാടകയ്ക്ക് എടുത്തിരിക്കുന്ന കെട്ടിടം ഗോഡൗണായി ഉപയോഗിക്കുകയായിരുന്നു.

അതേസമയം അടുത്തു താമസിക്കുന്ന കെട്ടിട ഉടമയാണ് ഗോഡൗണില്‍ നിന്നു തീയും പുകയും ഉയരുന്നതു കണ്ടത്. അഗ്‌നിരക്ഷാസേനയുടെ നാലു 4 യൂണിറ്റുകള്‍ എത്തി ഷട്ടറുകള്‍ തകര്‍ത്ത് അകത്തു കയറാന്‍ ശ്രമം നടത്തിയെങ്കിലും തീ ആളിപ്പടര്‍ന്നതിനാല്‍ അതിനു കഴിഞ്ഞില്ല.

അതേ തുടര്‍ന്നു പുറത്തുനിന്നു വെള്ളം അകത്തേക്ക് ഒഴിച്ചു അണയ്ക്കാനുള്ള ശ്രമം നടത്തി. അടുത്തുള്ള കെട്ടിടത്തിലേക്കു തീ പടരാതിരിക്കാനുള്ള ശ്രമവും സേന നടത്തി. സ്റ്റേഷന്‍ ഓഫിസറുടെ നേതൃത്വത്തിലാണ് തീ അണയ്ക്കാന്‍ ശ്രമം നടക്കുന്നത്. സ്ഥലത്ത് പോലീസും എത്തിയിട്ടുണ്ട്.