വിഴിഞ്ഞത്ത് മ​യ​ക്കു​മ​രു​ന്നുകളുമായി മൂ​ന്നു യു​വാ​ക്ക​ൾ അറസ്റ്റിൽ. മ​യ​ക്കു​മ​രു​ന്നാ​യ മെ​ത്താം​ഫെ​റ്റാ​മൈ​നും നൈ​ട്രാ​സെ​പാം ഗു​ളി​ക​ക​ളു​മായാണ് കോ​വ​ള​ത്തെ ഹോ​ട്ട​ലി​ൽ ത​ങ്ങി​യ മൂ​ന്നു യു​വാ​ക്ക​ളെ പിടികൂടിയത്. സംഭവത്തിൽ ഓ​ൾ സെ​യി​ന്‍റ്സ് മു​സ് ലീം ​പ​ള്ളി​ക്ക് സ​മീ​പം നി​സാം മ​ൻ​സി​ലി​ൽ അ​ന​സ് (23), തൊ​ടു​പു​ഴ കോ​ടി​കു​ളം പൊ​ട്ടോ​ള വീ​ട്ടി​ൽ ജി​ൻ​സ​ൺ ജോ​സ് (28), പൂ​ന്തു​റ മാ​ണി​ക്യ​വി​ളാ​കം ആ​സാ​ദ് ന​ഗ​റി​ൽ പു​തു​വ​ൽ പു​ര​യി​ട​ത്തി​ൽ നി​സാം(26) എ​ന്നി​വ​രെ​യാ​ണ് കോ​വ​ളം പൊ​ലീ​സ് അ​റ​സ്റ്റു ചെ​യ്തത്.

കഴിഞ്ഞ ദിവസം ഉ​ച്ച​യോ​ടെയാണ് സംഭവം. തുടർന്ന് ഇ​വ​രി​ൽ നി​ന്ന് അ​ര​ ല​ക്ഷ​ത്തോ​ളം രൂ​പ​യു​ടെ മെ​ത്താം​ഫെ​റ്റാ​മൈ​ൻ ക​ണ്ടെ​ടു​ത്തു. ഇവരിൽ നിന്നും നൈ​ട്രാ​സെ​പാം ഗു​ളി​ക​ക​ളു​ടെ ര​ണ്ട് സ്ട്രി​പ്പു​ക​ളും പൊലീ​സ് ക​ണ്ടെ​ടുത്തിട്ടുണ്ട്. ഇക്കഴിഞ്ഞ തി​ങ്ക​ളാ​ഴ്ച രാ​ത്രി​യോ​ടെ​യാ​ണ് സം​ഘം ബീ​ച്ചി​ലെ സ്വ​കാ​ര്യ ഹോ​ട്ട​ലി​ൽ മു​റി​യെ​ടു​ത്ത​ത്.

മാത്രമല്ല ഇ​വ​രി​ൽ അ​ന​സി​ന് വ​ലി​യ​തു​റ സ്റ്റേ​ഷ​നി​ൽ മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട് ഏ​ഴു കേ​സു​ക​ളും മൂ​ന്ന് അ​ടി​പി​ടി കേ​സു​ക​ളു​മു​ണ്ടെ​ന്ന് പൊ​ലീ​സ് അ​റി​യി​ച്ചു. കോ​വ​ളം എ​സ്എ​ച്ച്ഒ ജി. ​പ്രൈ​ജു, എ​സ്ഐ​മാ​രാ​യ എ​സ്. അ​നീ​ഷ് കു​മാ​ർ, വി​ജ​യ​കു​മാ​ർ എ​ന്നി​വ​രടങ്ങിയ സംഘമാണ് പ്ര​തി​ക​ളെ അ​റ​സ്റ്റ്​ ചെ​യ്ത​ത്. ഇവരെ കോടതിയിൽ ഹാജരാക്കി റിമാൻഡ് ചെയ്തു.