ആലുവ– കാലടി റോഡിൽ പുറയാർ കവലയിൽ റോഡിന് സമീപം അപകടാവസ്ഥയിൽ നിന്ന കൂറ്റൻ കാറ്റാടി മരം കടപുഴകി വീണു. മഴയും കാറ്റും ശക്തമായതോടെ ഇന്ന് രാവിലെയാണ് മരം കടപുഴകി വീണത്.

സ്കൂൾ ബസ്സ്, സ്വകാര്യ ബസ് എന്നിവ ഉൾപ്പെടെയുള്ള നിരവധി വാഹനങ്ങൾ തലനാരിഴയ്ക്കാണ് അപകടത്തിൽ നിന്ന് ഒഴിവായത്. ആളാപയമില്ലെങ്കിലും വൈദ്യുതി ലൈനുകളടക്കം പൊട്ടി, ഗതാഗതം തടസപ്പെട്ടിരുന്നു.

മരം മുറിച്ച് മാറ്റണമെന്ന് നേരത്തെ നാട്ടുകാർ പലതവണ അധികൃതരോട് ആവശ്യപ്പെട്ടിരുന്നെങ്കിലും നടപടി സ്വീകരിച്ചില്ലെന്ന് ആക്ഷേപം ഉയർന്നിട്ടുണ്ട്. ഫയർഫോഴ്സ് സംഘത്തിന്റേയും നാട്ടുകാരുടേയും നേതൃത്വത്തിൽ മരം നീക്കാനുള്ള നടപടികൾ ആരംഭിച്ചിട്ടുണ്ട്.