തിരുവനന്തപുരം മേയര് ആര്യാ രാജേന്ദ്രൻ, ബാലുശേരി എംഎല്എ കെ എം സച്ചിന് ദേവ് വിവാഹം സെപ്റ്റംബര്4ന്: പാർട്ടി ക്ഷണക്കത്ത് പങ്കുവച്ച് സച്ചിന് ദേവ്
തിരുവനന്തപുരം മേയര് ആര്യാ രാജേന്ദ്രനും, ബാലുശേരി എംഎല്എ കെ എം സച്ചിന് ദേവും സെപ്റ്റംബര്4ന് വിവാഹിതരാകുന്നു. നിയമസഭയിലെ ഏറ്റവും പ്രായം കുറഞ്ഞ എം എല്എ യും രാജ്യത്തെ ഏറ്റവും പ്രായം കുറഞ്ഞ മേയറുമാണ് വിവാഹിതരാകുന്നത്.
തിരുവനന്തപുരം എകെജി ഹാളില് പകല് 11നാണ് ചടങ്ങ് നടക്കുക. എ.കെ.ജി സെന്ററിലെ വിവാഹത്തിന് ശേഷം കോഴിക്കോട് ടാഗോര് സെന്റിനറി ഹാളിൽ സൗഹൃദ വിരുന്നും നടക്കും. ഇത് സംബന്ധിച്ച് സിപിഐഎമ്മിന്റെ വിവാഹ ക്ഷണക്കത്ത് സച്ചിന് ദേവ് സോഷ്യൽ മീഡിയയിൽ പങ്കുവച്ചു.
സെപ്റ്റംബര് ആറിന് വൈകുന്നേരം 4 മണി മുതലാണ് സൗഹൃദ വിരുന്ന്. സിപിഐഎം കോഴിക്കോട് ജില്ലാ സെക്രട്ടറി പി.മോഹനന്റെ പേരിലാണ് കത്ത് തയാറാക്കിയിരിക്കുന്നത്. വിവാഹ ശേഷം രണ്ടു ദിവസം കഴിഞ്ഞാണ് കോഴിക്കോട് വിവാഹ സത്കാരം. എസ്എഫ്ഐ രംഗത്ത് ഒരുമിച്ച് പ്രവര്ത്തിച്ചുള്ള പരിചയമാണ് ഇപ്പോള് വിവാഹത്തിലെത്തുന്നത്.
https://www.facebook.com/Malayalivartha
