ഡീസലില്ല....ശനിയാഴ്ചയും ഞായറാഴ്ചയും കെ.എസ്.ആര്.ടി.സി സര്വീസുകള് വെട്ടിച്ചുരുക്കിയേക്കും, നിയന്ത്രണം ഓര്ഡിനറി സര്വ്വീസുകള്ക്ക്, ഞായറാഴ്ച സര്വീസ് പൂര്ണമായും ഒഴിവാക്കും
ഡീസലില്ല.... ശനിയാഴ്ചയും ഞായറാഴ്ചയും കെ.എസ്.ആര്.ടി.സി സര്വീസുകള് വെട്ടിച്ചുരുക്കിയേക്കും,. ഓര്ഡിനറി സര്വീസുകള്ക്കാണ് നിയന്ത്രണം. ഇതനുസരിച്ച് ഇന്ന് അമ്പത് ശതമാനവും ശനിയാഴ്ച 25 ശതമാനവും സര്വീസുകള് മാത്രമാണ് നടത്തുക.
ഞായറാഴ്ച പൂര്ണമായും സര്വീസ് ഒഴിവാക്കും. കെ.എസ്.ആര്.ടി.സി മാനേജിങ് ഡയറക്ടറാണ് ഉത്തരവ് ഡിപ്പോകള്ക്ക് കൈമാറിയിരിക്കുന്നത്. വിശദമായ ഉത്തരവ് പിന്നീടുണ്ടാകും. നിലവിലെ കടുത്ത സാമ്പത്തിക ബുദ്ധിമുട്ടിന്റെ ഭാഗമായും ഡീസലിന്റെ ലഭ്യത കുറഞ്ഞിരിക്കുന്ന സാഹചര്യത്തിലും മോശം കാലാവസ്ഥയിലുമാണ് വരുമാനമില്ലാതെ സര്വീസുകള് ഓപ്പറേറ്റ് ചെയ്യുന്ന സാഹചര്യം ഒഴിവാക്കാനായാണ് നിര്ദേശം നല്കിയിരിക്കുന്നത്.
വരുമാനം ലഭിക്കുന്ന ഫാസ്റ്റ് പാസഞ്ചര് മുതലുള്ള സൂപ്പര് ക്ലാസ് സര്വീസുകള് വെള്ളിയാഴ്ചയും ശനിയാഴ്ച്ചയും ഉച്ചക്ക് ശേഷം കഴിവതും കൃത്യമായി ഓപ്പറേറ്റ് ചെയ്യുകയും ഞായറാഴ്ച്ച ഉച്ചക്ക് ശേഷം എല്ലാ ദീര്ഘദൂര സര്വീസുകളും ഓപ്പറേറ്റ് ചെയ്യുകയും തിങ്കളാഴ്ച തിരക്ക് ഉണ്ടാകുമ്പോള് ഏതാണ്ട് പൂര്ണമായും ഓപ്പറേറ്റ് ചെയ്യുകയും വേണമെന്നാണ് ഉത്തരവ്
തിങ്കളാഴ്ച ലഭ്യമായ ഡീസല് ഉപയോഗിച്ച് യാത്രക്കാര്ക്ക് ബുദ്ധിമുട്ട് ഒഴിവാക്കുന്ന രീതിയില് പരമാവധി ഓര്ഡിനറി സര്വീസുകള് ട്രിപ്പുകള് ക്രമീകരിച്ച് ഓപ്പറേറ്റ് ചെയ്യണമെന്നും ഉത്തരവില് പറയുന്നു.
അതേസമയം മിക്ക ജില്ലകളിലും ഡീസല് പ്രതിസന്ധിമൂലം ഇന്നലെ മുതല് സര്വീസുകള് നടത്താന് കഴിഞ്ഞിട്ടില്ല. വയനാട് കല്പ്പറ്റ, സുല്ത്താന്ബത്തേരി, മാനന്തവാടി ഡിപ്പോയില് സര്വീസുകള് മുടങ്ങി. ജില്ലയിലെ ഭൂരിഭാഗം പ്രാദേശികസര്വീസുകളും ഓടിയില്ല.
മാനന്തവാടി ഡിപ്പോയില്നിന്ന് ദീര്ഘദൂരസര്വീസുകള് ഓടിയെങ്കിലും കോഴിക്കോട് സര്വീസുകള് മുഴുവന് നടത്താനായില്ല.മറ്റ് ജില്ലകളിലും സമാന അവസ്ഥയാണ്.
"
https://www.facebook.com/Malayalivartha
