പെരുമ്പാവൂരില്‍ അതിഥി തൊഴിലാളിയെ തട്ടികൊണ്ട് പോയി ഉപദ്രവിച്ച് പണം തട്ടിയ കേസില്‍ ഒളിവിലായിരുന്ന പ്രതി പിടിയിലായി....
പെരുമ്പാവൂരില്‍ അതിഥി തൊഴിലാളിയെ തട്ടികൊണ്ട് പോയി ഉപദ്രവിച്ച് പണം തട്ടിയ കേസില്‍ ഒളിവിലായിരുന്ന പ്രതി പിടിയിലായി.... അസം സ്വദേശിയായ മസീബുള്‍ റഹ്മാനാണ് അറസ്റ്റിലായത്. രണ്ട് പേര്‍ നേരത്തെ ഈ കേസില്‍ അറസ്റ്റിലായിരുന്നു.
2021 ഡിസംബര്‍ മാസത്തിലാണ് സംഭവമുണ്ടായത്. പെരുമ്പാവൂര്‍ ടൗണില്‍ നിന്ന് രാത്രിയില്‍ മൂന്ന് പേര്‍ ചേര്‍ന്ന് അസം സ്വദേശിയായ ബാബുല്‍ ഇസ്ലാമിനെ കാറില്‍ ബലംപ്രയോഗിച്ച് കയറ്റി ദേഹോപദ്രവം ചെയ്ത്, 50000 രൂപ തട്ടിയെടുത്തു. സംഭവത്തെ തുടര്‍ന്ന് പെരുമ്പാവൂര്‍ സ്വദേശികളായ സാഹിറിനെയും,അജിയെയും നേരത്തെ തന്നെ പൊലീസ് അറസ്റ്റ് ചെയ്തിരുന്നു.
എന്നാല്‍ സംഭവത്തില്‍ പങ്കാളിയായിരുന്ന മസീബുള്‍ റഹ്മാന്‍ അസമിലേക്ക് ഒളിവില്‍ പോയി. രാവിലെയോടെ ഇയാള്‍ വിമാനമാര്‍ഗം സംസ്ഥാനത്തേക്ക് എത്തുന്നുവെന്നറിഞ്ഞാണ് പെരുമ്പാവൂര്‍ പൊലീസ് നെടുമ്പാശ്ശേരിയിലെത്തിയത്. തുടര്‍ന്ന് ഇയാളെ പൊലീസ് അറസ്റ്റ് ചെയ്തു.
കേസിലെ മറ്റൊരു പ്രതിയായ സാഹിര്‍ ഇപ്പോഴും റിമാന്‍ഡില്‍ തുടരുകയാണ്.അജി ജാമ്യത്തിലും. അറസ്റ്റിലായ മസീബുള്‍ റഹ്മാനെ കോടതിയില്‍ ഹാജരാക്കി റിമാന്‍ഡ് ചെയ്തു.
"
https://www.facebook.com/Malayalivartha
