പട്ടാപ്പകൽ തിരുവനന്തപുരം നഗരത്തിൽ തോക്ക് ചൂണ്ടി യുവാക്കളുടെ മോഷണശ്രമം. നാട്ടുകാർ കണ്ട് രക്ഷപ്പെട്ട പ്രതികളെ തടയാൻ ശ്രമിച്ച പൊലീസുകാരനെയും തോക്ക് ചൂണ്ടി അക്രമികൾ ഭീഷണിപ്പെടുത്തി. ഇടപ്പഴഞ്ഞിയിൽ ഇന്ന് രാവിലെയാണ് സംഭവമുണ്ടായത്. യെല്ലോ കളറിലുള്ള ആക്ടീവിലാണ് രണ്ടംഗ സംഘമെത്തിയിരുന്നത്. ആളില്ലാത്ത വീട്ടിൽ നിന്നും വാതിൽ തുറന്ന് രണ്ടംഗ സംഘം ഇറങ്ങിവരുന്നത് അയൽവാസിയുടെ ശ്രദ്ധയിൽപ്പെട്ടതോടെയാണ് സംഭവം പുറത്തറിഞ്ഞത്.

ഇവരോട് കാര്യങ്ങൾ ചോദിച്ച് അറിയാൻ തുടങ്ങിയതോടെ അക്രമികൾ രക്ഷപ്പെടാൻ ശ്രമിക്കുകയായിരുന്നു. അസ്വാഭാവികത തോന്നിയ ലാൽ സംഘത്തിന്റെ വാഹനത്തിന്റെ താക്കോൽ ഊരിയെടുത്തു. ഉടനെ സ്കൂട്ടറിന് പിറകിലിരിക്കുകയായിരുന്നയാൾ ബാഗിൽ നിന്നും തോക്ക് പുറത്തെടുക്കുകയായിരുന്നു എന്നാണ് അയൽവാസി പറയുന്നത്.

ഹിന്ദി സംസാരിക്കുന്ന ഇരുവരും കുളത്തൂർ സ്വദേശിയുടെ സ്കൂട്ടറിലാണ് എത്തിയത്. സിസിടിവിയിൽ ഇവരുടെ ദൃശ്യങ്ങൾ വ്യക്തമായിട്ടുണ്ട്. ഉടൻ പൊലീസ് സംഘത്തിന് വേണ്ടി നഗരത്തിൽ അലർട്ട് നിർദ്ദേശം നൽകിയിട്ടുണ്ട്.

ഈ ആക്ടീവ ശ്രീകണഠേശ്വരത്ത് വെച്ച് ഒരു പൊലീസുകാരൻ തടഞ്ഞിരുന്നു. എന്നാൽ ഇദ്ദേഹത്തെയും തോക്ക് ചൂണ്ടി ഭീഷണിപ്പെടുത്തി പ്രതികൾ രക്ഷപ്പെടുകയായിരുന്നു.