കാര്യവട്ടം ഗവണ്മെന്റ് കോളേജില് പോലീസും എസ്എഫ്ഐ തമ്മില് സംഘര്ഷം; പ്രിന്സിപ്പലിനെ പൂട്ടിയിട്ടു; അഞ്ച് എസ്എഫ്ഐ പ്രവര്ത്തകര് അറസ്റ്റില്
കാര്യവട്ടം ഗവണ്മെന്റ് കോളജില് എസ്എഫ്ഐക്കാരും പേലീസും തമ്മില് സംഘര്ഷം. മുന് വിദ്യാര്ഥിയുടെ അഡ്മിഷനുമായി ബന്ധപ്പെട്ട തര്ക്കത്തില് പ്രിന്സിപ്പലിനെ എസ്എഫ്ഐക്കാര് മുറിയില് പൂട്ടിയിട്ടു. ഇന്ന് വൈകിട്ട് അഞ്ച് മണിയോടെയാണ് സംഭവം. കോളജിലെ വനിത പ്രിന്സിപ്പലിനെയാണ് എസ്.എഫ്.ഐ പ്രവര്ത്തകര് പൂട്ടിയിട്ടത്. രക്ഷിക്കാനെത്തിയ പൊലീസിനെ ആക്രമിക്കുകയും ചെയ്തു. എസ്.എഫ്.ഐയുടെ മുന് യൂണിറ്റ് സെക്രട്ടറിക്ക് അതേ കോഴ്സിന് വീണ്ടും പ്രവേശനം നല്കണമെന്ന് ആവശ്യപ്പെട്ടാണ് എസ്എഫ്ഐ അക്രമസമരത്തിലേക്ക് കടന്നത്. അതേ കോഴ്സിന് വീണ്ടും പ്രവേശനം നല്കുന്നത് ചട്ടലംഘനമെന്ന് ചൂണ്ടിക്കാട്ടി പ്രിന്സിപ്പല് എസ്.എഫ്.ഐ നേതാവിന്റെ പ്രവേശനം തടഞ്ഞിരുന്നു.
പ്രശ്നം നിയന്ത്രിക്കാനെത്തിയ പൊലീസ് പ്രിന്സിപ്പലിനെ പുറത്തിറക്കാന് ശ്രമിച്ചപ്പോള് വിദ്യാര്ഥികള് അവരെ ഗേറ്റില് തടയുകയും ചെയ്തു. ഒടുവില് ബലം പ്രയോഗിച്ചാണ് പൊലീസ് പ്രിന്സിപ്പലിനെ പുറത്തേക്ക് മാറ്റിയത്. ഇതിനിടയില് കഴക്കൂട്ടം അസിസ്റ്റന്റ് കമ്മീഷണറടക്കം നാല് പൊലീസുകാര്ക്ക് പരുക്കേറ്റു. അഞ്ച് എസ്.എഫ്.ഐക്കാരെ അറസ്റ്റ് ചെയ്തു.
കോഴ്സ് കാലാവധി പൂര്ത്തിയാക്കിയ എസ്എഫ്ഐ നേതാവായ വിദ്യാര്ത്ഥിയെ വീണ്ടും അതേ കോഴ്സിന് തിരിച്ചെടുക്കണം എന്ന് എസ്എഫ്ഐ പ്രവര്ത്തകര് ആവശ്യപ്പെട്ടു. എന്നാല് ഇത് ചട്ടവിരുദ്ധമെന്ന് പ്രിന്സിപ്പല് പ്രതികരിച്ചു. തുടര് എസ്എഫ്ഐക്കാര് പ്രിന്സിപ്പലിനെ മുറിയില് പൂട്ടിയിടുകയായിരുന്നു. സംഭവം അറിഞ്ഞ പോലീസ് സ്ഥലതെത്തി പ്രിന്സിപ്പലിനെ മോചിപ്പക്കാന് ശ്രമം നടത്തി. തുടര്ന്ന് പോലീസിനും എസ്എഫ്ഐക്കാരും തമ്മില് സംഘര്ഷം ഉണ്ടായി. സംഘര്ഷത്തില് കഴക്കൂട്ടം അസിസ്റ്റന്റ് കമ്മിഷണര് ഉള്പ്പെടെ നാല് പോലീസുകാര്ക്ക് പരുക്കേറ്റു. അഞ്ച് എസ്എഫ്ഐ പ്രവര്ത്തകര് അറസ്റ്റിലായി.
https://www.facebook.com/Malayalivartha
