രണ്ട് ദിനം കൂടി കഴിഞ്ഞാല്... എതിരാളികള്ക്കും കണ്ണൂര് വിസിയ്ക്കും ശക്തമായ ആദ്യ തിരിച്ചടി കിട്ടി; പ്രിയ വര്ഗീസിന്റെ നിയമനം ഹൈക്കോടതി സ്റ്റേ ചെയ്തത് വലിയ തിരിച്ചടി; ബന്ധു നിയമനം അന്വേഷിക്കാന് ഗവര്ണര്ക്ക് ഊര്ജം നല്കി പ്രതിപക്ഷ നേതാവിന്റെ കത്ത്
കണ്ണൂര് സര്വകലാശാല അസോസിയേറ്റ് പ്രൊഫസറായുള്ള പ്രിയ വര്ഗീസിന്റെ നിയമനത്തിന് ഹൈക്കോടതിയുടെ ഇടക്കാല സ്റ്റേ അനുവദിച്ച് ഗവര്ണര്ക്കുള്ള ആദ്യ വിജയം കൂടിയായി. കണ്ണൂര് വിസിയ്ക്കും എതിരാളികള്ക്കും ഉള്ള താക്കീതാണിത്. ഈ മാസം 31 വരെയാണ് നിയമന ഉത്തരവ് ഹൈക്കോടതി സ്റ്റേ ചെയ്തത്.
രണ്ടാം റാങ്കുകാരന് ജോസഫ് സ്കറിയയുടെ ഹര്ജിയിലാണ് നടപടി. പ്രിയ വര്ഗീസിനെ ഒഴിവാക്കി റാങ്ക് പട്ടിക പുനഃക്രമീകരിക്കണമെന്ന് ആവശ്യപ്പെട്ടാണ് ജോസഫ് സ്കറിയ കോടതിയെ സമീപിച്ചത്. അനധികൃതമായി നിയമനം നേടിയതാണെന്നും അസോസിയേറ്റ് പ്രൊഫസര് നിയമനപട്ടികയില് നിന്നും പ്രിയ വര്ഗീസിനെ ഒഴിവാക്കണമെന്നും ഹര്ജിയില് ആവശ്യപ്പെട്ടിരുന്നു. ഹര്ജി ഓഗസ്റ്റ് 31ന് വീണ്ടും പരിശോധിക്കും.
അതുവരെയാണ് പ്രിയ വര്ഗീസിന്റെ നിയമനത്തിന് സ്റ്റേ അനുവദിച്ചിരിക്കുന്നത്. ഹര്ജിയില് യുജിസിയെ കോടതി കക്ഷി ചേര്ത്തിട്ടുണ്ട്. നടപടികള് പാലിച്ചല്ല നിയമനം എന്ന പരാതിയില് ഗവര്ണര്, സര്ക്കാര്, കണ്ണൂര് വിസി, സെലക്ഷന് കമ്മിറ്റി ചെയര്മാന് എന്നിവര്ക്ക് ഹൈക്കോടതി നോട്ടീസ് അയച്ചു. ഗവര്ണര്ക്കയച്ച നോട്ടീസ് സ്റ്റാന്റിങ് കൗണ്സില് കൈപ്പറ്റി.
പ്രിയ വര്ഗീസിന്റെ നിയമനം നേരത്തെ ഗവര്ണര് ആരിഫ് മുഹമ്മദ് ഖാന് സ്റ്റേ ചെയ്തിരുന്നു. പ്രിയ വര്ഗീസിനെ കണ്ണൂര് സര്വകലാശാലയില് അസി.പ്രൊഫസറായി നിയമിക്കാനുള്ള നീക്കം കൃത്യമായ രാഷ്ട്രീയ താത്പര്യത്തോടെയാണെന്ന് വ്യക്തമാക്കിയാണ് നിയമനം ഗവര്ണര് സ്റ്റേ ചെയ്തത്. അധ്യാപകന യോഗ്യതയില്ലാത്ത ആള് നിയമനം നേടിയത് രാഷ്ട്രീയ നാടകം ആണെന്നും അതിനെ താന് രാഷ്ട്രീയമായി തന്നെ നേരിടുമെന്നും വ്യക്തമാക്കിയായിരുന്നു ഗവര്ണറുടെ നടപടി. ചാന്സലര് എന്ന നിലയിലെ തന്റെ തീരുമാനത്തിനെതിരെ കീഴുദ്യോഗസ്ഥനായ വിസി നിയമപരമായി നീങ്ങുന്നത് അച്ചടക്ക ലംഘനമാണോ എന്ന കാര്യം പരിശോധിക്കുമെന്നും ഗവര്ണര് വ്യക്തമാക്കിയിരുന്നു.
അതേസമയം ഗവര്ക്ക് ബന്ധുനിയമന വിഷയത്തില് ഊര്ജം നല്കി പ്രതിപക്ഷം. എല്.ഡി.എഫ് സര്ക്കാര് അധികാരത്തില് എത്തിയതിന് ശേഷം സംസ്ഥാനത്തെ സര്വകലാശാലകളില് നടത്തിയ ബന്ധു നിയമനങ്ങളെ കുറിച്ച് സമഗ്രമായ അന്വേഷണത്തിന് ഉത്തരവിടണമെന്ന് ആവശ്യപ്പെട്ട് പ്രതിപക്ഷ നേതാവ് ഗവര്ണര്ക്ക് കത്ത് നല്കി. ബന്ധു നിയമനവും സ്വജനപക്ഷപാതവും കാട്ടി, മികവിന്റേയും ആശയസംവാദങ്ങളുടെയും വിളനിലമാകേണ്ട സര്വകലാശാലകളെ സര്ക്കാര് തകര്ക്കുകയാണെന്ന് പ്രതിപക്ഷ നേതാവ് കത്തില് ചൂണ്ടിക്കാട്ടി.
കേരളത്തിലെ ഉന്നത വിദ്യാഭ്യാസരംഗത്തുണ്ടായിരിക്കുന്ന തകര്ച്ചയെ തുടര്ന്ന് ഉപരിപഠനത്തിനായി മറ്റും രാജ്യങ്ങളെയും സംസ്ഥാനങ്ങളെയും ആശ്രയിക്കുന്ന വിദ്യാര്ത്ഥികളുടെ എണ്ണവും സംസ്ഥാനത്ത് കൂടി വരികയാണ്. യൂണിവേഴ്സിറ്റി നിയമങ്ങള് എല്ലാ സര്വകലാശാലകള്ക്കും സമ്പൂര്ണ സ്വയംഭരണം ഉറപ്പാക്കുന്നുണ്ടെങ്കിലും സംസ്ഥാന സര്ക്കാര് അവരുടെ ബന്ധുക്കളെ നിയമിക്കാനുള്ള കേന്ദ്രമാക്കി സര്വകലാശാലകളെ മാറ്റിയിരിക്കുകയാണ്. മുന് രാജ്യസഭാംഗവും മുഖ്യമന്ത്രിയുടെ പ്രൈവറ്റ് സെക്രട്ടറിയുമായ കെ.കെ രാഗേഷിന്റെ ഭാര്യയായ പ്രിയ വര്ഗീസിനെ കണ്ണൂര് സര്വകലാശാലയില് മലയാളം അസോസിയേറ്റ് പ്രൊഫസറാക്കിയത് ബന്ധു നിയമന പട്ടികയില് ഏറ്റവും അവസാനത്തേതാണ്.
സി.പി.എം നേതാവിന്റെ ഭാര്യയുടെ റിസര്ച്ച് സ്കോര് മറ്റ് ആറ് ഉദ്യോഗാര്ത്ഥികളേക്കാള് കുറവായിട്ടും വൈസ് ചാന്സലര് അധ്യക്ഷനായ സമിതിയുടെ അഭിമുഖത്തില് അവര് ഒന്നാം സ്ഥാനത്തെത്തിയത് അദ്ഭുതകരമാണ്. ഈ സാഹചര്യത്തില് കഴിഞ്ഞ ആറ് വര്ഷത്തെ സര്വകലാശാലാ നിയമനങ്ങളില് സ്വജനപക്ഷപാതമുണ്ടെന്ന ആരോപണത്തെക്കുറിച്ച് സമഗ്രമായ അന്വേഷണത്തിന് ഉത്തരവിടണമെന്ന് പ്രതിപക്ഷ നേതാവ് അഭ്യര്ത്ഥിച്ചു. എന്തായാലും പ്രതിപക്ഷത്തിന്റെ പരാതി കൂടി ലഭിച്ചതിനാല് ഗവര്ണര്ക്ക് കാര്യങ്ങള് എളുപ്പമാകും. രണ്ട് ദിവസത്തിനകം ഗവര്ണര് തിരിച്ചെത്തും അതോടെ തീരുമാനമാകും.
"
https://www.facebook.com/Malayalivartha
