രണ്ടരമണിക്കൂര് സിനിമാ സ്റ്റെല്... തൃശൂര് കണ്ടാണശ്ശേരി പൊലീസ് സ്റ്റേഷനില് പട്ടിയുമായെത്തി മധ്യവയസ്കന്റെ പരാക്രമം; സ്റ്റേഷനിലെ പൊലീസ് ഉദ്യോഗസ്ഥനെ ചവിട്ടി വീഴ്ത്തുകയും പട്ടിയെ പ്രകോപിപ്പിക്കുകയും ചെയ്തു; പോലീസുകാര് നിസഹായരായി രണ്ടരമണിക്കൂറോളം; അവസാനം പിടികൂടി
തൃശൂര് കണ്ടാണശ്ശേരി പൊലീസ് സ്റ്റേഷന് കഴിഞ്ഞ ദിവസം അക്ഷരാര്ത്ഥത്തില് വിറയ്ക്കുകയായിരുന്നു. നായയുമായെത്തിയായിരുന്നു കൂനംമൂച്ചി സ്വദേശി വിന്സന്റെ (50) ആക്രമണം. സ്റ്റേഷനിലെ എസ്ഐയെ ചവിട്ടി വീഴ്ത്തുകയും ചെയ്ത കൂനംമൂച്ചി സ്വദേശി വിന്സന്റിനെ പൊലീസ് അറസ്റ്റ് ചെയ്തു. കൊറിയര് സര്വീസ് നടത്തുന്ന വിന്സന്റിനെതിരെ പരാതി ലഭിച്ചതിനെ തുടര്ന്ന് പൊലീസ് സ്റ്റേഷനില് എത്താല് ഇയാളോട് ആവശ്യപ്പെടുകയായിരുന്നു.
അമേരിക്കന് ബുള്ളി വിഭാഗത്തില്പ്പെട്ട നായയുമായാണ് ഇയാള് കാറില് സ്റ്റേഷനില് എത്തിയത്. സ്റ്റേഷനില് എത്തിയ വിന്സന്റ് ഗേറ്റില് വാഹനമിടിപ്പിക്കുകയായിരുന്നു. തുടര്ന്നാണ് പൊലീസ് ഉദ്യോഗസ്ഥനെതിരെ ആക്രമണമുണ്ടായത്. പൊലീസുകാരനെ ചവിട്ടിയിട്ട ഇയാള് സ്റ്റേഷന്റെ ഗേറ്റ് തകര്ക്കുകയും ചെയ്തു. ജാമ്യമില്ലാ വകുപ്പ് പ്രകാരമാണ് ഇയാള്ക്കെതിരെ കേസെടുത്തിരിക്കുന്നത്.
പട്ടിയുമായി പൊലീസ് സ്റ്റേഷനിലെത്തിയയാള് രണ്ടര മണിക്കൂറോളമാണ് ഭീകരാന്തരീക്ഷം സൃഷ്ടിച്ചുത് എസ്ഐയെ ചവിട്ടിവീഴ്ത്തി. മണ്വെട്ടി ഗ്രേഡ് എസ്ഐയുടെ തലയ്ക്കു നേരെ വീശി. വാഹനമോടിച്ചു കയറ്റി എസ്ഐയെ അപായപ്പെടുത്താനും ശ്രമിച്ചു. സ്റ്റേഷന്റെ ഗേറ്റ് തല്ലിത്തകര്ക്കുകയും കൊലവിളി മുഴക്കുകയും ചെയ്തു.
ഒടുവില് ബലപ്രയോഗത്തിലൂടെയാണ് അക്രമിയെ പൊലീസ് കീഴ്പ്പെടുത്തിയത്. കണ്ടാണശേരിയില് പ്രവര്ത്തിക്കുന്ന ഗുരുവായൂര് പൊലീസ് സ്റ്റേഷനില് ഇന്നലെ ഉച്ചയ്ക്കാണു സിനിമാക്കഥയെ വെല്ലുന്ന സംഭവങ്ങള് അരങ്ങേറിയത്.
വിന്സന് നിരന്തരം വധഭീഷണി മുഴക്കുന്നുവെന്നുകാട്ടി കൂനംമൂച്ചി മണപ്പറമ്പില് സന്തോഷ് പൊലീസിനു പരാതി നല്കിയിരുന്നു. സന്തോഷിനോടും വിന്സനോടും ഇന്നലെ രാവിലെ 10നു സ്റ്റേഷനില് എത്താന് പൊലീസ് ആവശ്യപ്പെട്ടിരുന്നു. സന്തോഷ് 10 മണിയോടെ എത്തിയെങ്കിലും വിന്സന് എത്തിയില്ല.
12 മണിയോടെ കാറിലെത്തിയ വിന്സന് സ്റ്റേഷന് വളപ്പില് വാഹനം നിര്ത്തിയശേഷം പിന്സീറ്റ് തുറന്നു വളര്ത്തുനായയെ അഴിച്ചുവിടാന് ശ്രമിച്ചു. ഉഗ്രശബ്ദത്തില് നായ കുരച്ചു ബഹളമുണ്ടാക്കിയതോടെ പൊലീസ് ഉദ്യോഗസ്ഥരടക്കം ഭീതിയിലായി. സ്റ്റേഷനിലെത്തിയ പലരും പുറത്തേക്കോടി. മറ്റുള്ളവരുടെ നേര്ക്കു നായയെ അഴിച്ചുവിടാന് വിന്സന് ശ്രമിച്ചെങ്കിലും നായ കാറില് നിന്നിറങ്ങാതിരുന്നതു വലിയ അപകടം ഒഴിവാക്കി.
ഇതിനിടെ പൊലീസുകാര്ക്കു നേരെയും പരാതിക്കാരനു നേരെയും വിന്സന് അസഭ്യവര്ഷം തുടങ്ങി. സ്റ്റേഷനുള്ളില് കാര്ക്കിച്ചുതുപ്പി. കാറുമായി കടന്നുകളയാന് പ്രതി ശ്രമിച്ചപ്പോള് പൊലീസ് ഗേറ്റ് അടച്ചിട്ടു. കാറില് നിന്നിറങ്ങിയ വിന്സന് സ്റ്റേഷന് വളപ്പിലുണ്ടായിരുന്ന മണ്വെട്ടിയുമായെത്തി ഗേറ്റ് തകര്ത്തു. മതിലില് ഇടിച്ച കാറിന്റെ പിന്ഗ്ലാസ് തകര്ന്നു.
ഗ്രേഡ് എസ്ഐ ഗോപിനാഥന്റെ തലയ്ക്കു നേരെ മണ്വെട്ടി വീശിയെങ്കിലും ഒഴിഞ്ഞുമാറിയതിനാല് രക്ഷപ്പെട്ടു. പിന്നീട് എസ്ഐയെ ചവിട്ടി വീഴ്ത്തി. മറ്റു പൊലീസുകാര് പിടിച്ചുമാറ്റാന് നോക്കിയെങ്കിലും അക്രമം തുടര്ന്നു. എസ്ഐമാരായ വിന്സന്റ്, സജീവന് എന്നിവര്ക്കു നേരിയ പരുക്കേറ്റു. വധശ്രമം, പൊതുമുതല് നശിപ്പിക്കല്, പൊലീസുകാരെ ആക്രമിക്കല് തുടങ്ങിയ വകുപ്പുകള് പ്രകാരം ഇയാള്ക്കെതിരെ കേസെടുത്തു. പരാക്രമം നടക്കുന്നതിനിടെ വളര്ത്തുനായ ഒരുവട്ടം കാറിനു പുറത്തിറങ്ങിയെങ്കിലും ആരെയും ഉപദ്രവിച്ചില്ല. പൊലീസുകാര് തന്നെ നായയെ സുരക്ഷിതമായി ബന്ധിച്ചു വിന്സന്റെ വീട്ടുകാര്ക്കു കൈമാറി. എസ്ഐ ഗോപിനാഥന് താലൂക്ക് ആശുപത്രിയില് ചികിത്സതേടി. വിന്സനെ റിമാന്ഡ് ചെയ്തു.
"
https://www.facebook.com/Malayalivartha
