മദ്യലഹരിയില് പോലീസുകാര്ക്ക് നേരെ യുവാവിന്റെ ഭീഷണി.... കെട്ട് വിട്ടതോടെ കരഞ്ഞു പറച്ചില്, തൃശൂര് സ്റ്റേഷനില് അരങ്ങേറിയത് സംഭവബഹുലമായ രംഗങ്ങള്
മദ്യലഹരിയില് പോലീസുകാര്ക്ക് നേരെ യുവാവിന്റെ ഭീഷണി.... കെട്ട് വിട്ടതോടെ കരഞ്ഞു പറച്ചില്, തൃശൂര് സ്റ്റേഷനില് അരങ്ങേറിയത് സംഭവബഹുലമായ രംഗങ്ങള് .
വെള്ളറട സ്വദേശിയായ സൈവിനാണ് പോലീസുകാര്ക്കെതിരെ വധ ഭീഷണി മുഴക്കിയത്. എന്നാല് പിറ്റേന്ന് മദ്യത്തിന്റെ കെട്ട് വിട്ടതോടെ ഇയാള് പോലീസുകാരോട് കരഞ്ഞ് മാപ്പ് പറഞ്ഞു.
കഴിഞ്ഞ ദിവസമാണ് മോഷണ കേസില് സൈവിനെ പോലീസ് അറസ്റ്റ് ചെയ്തത്. നഗരത്തിലെ ഒരു വീട്ടില് മോഷണം നടത്തുന്നതിനിടെയായിരുന്നു ഇയാള് പിടിക്കപ്പെട്ടത്്. പോലീസ് പിടികൂടുമ്പോഴാകട്ടെ ഇയാള് മദ്യലഹരിയിലായിരുന്നു. തുടര്ന്ന് ജില്ലാ ആശുപത്രിയില് വൈദ്യപരിശോധനയ്ക്ക് ഹാജരാക്കിയപ്പോള് അവിടെ വച്ച് ഇയാള് പോലീസുകാര്ക്ക് നേരെ ഭീഷണി മുഴക്കി.
' എന്നെ അടിച്ച പോലീസുകാരൊന്നും ഇപ്പോ ജീവനോടെയില്ല മോനേ, തിരുവനന്തപുരത്ത് ഒരു സ്ഥലം ഉണ്ട് വിഴിഞ്ഞം. വിഴിഞ്ഞം സ്റ്റേഷനില് കയറിയാല് പിന്നെ തിരിച്ചുവരില്ല. കളിക്കല്ലേ ട്ടാ. സീരിയസ് ആയിട്ടാണ് പറയണത്. നിന്റെ വീട്ടി ഇനി കേറില്ല. ഒന്നുകില് എന്നെ കൊല്ലണം. അല്ലെങ്കില് ജീവപര്യന്തം ശിക്ഷിക്കണം..... ഇങ്ങനെയായിരുന്നു ഭീഷണി. വൈദ്യ പരിശോധനയ്ക്ക് വിധേയനാക്കിയ ശേഷം സൈവിനെ സ്റ്റേഷനിലേക്ക് കൊണ്ടുപോകുകയും ചെയ്തു.
അതേസമയം പിറ്റേന്ന് രാവിലെ മദ്യത്തിന്റെ കെട്ട് ഇറങ്ങിയപ്പോഴായിരുന്നു സൈവിന്റെ മാപ്പിരക്കല്. ക്ഷമിക്കണം സാറേ.. ഞാന് മദ്യത്തിന്റെ പുറത്ത് പറഞ്ഞതാണ്. ഞാന് ഒന്നും ചെയ്തില്ല. എനിക്ക് ധൈര്യമില്ല സാറെ എന്നായിരുന്നു ഇയാള് പിറ്റേന്ന് പറയുകയും കരച്ചിലുമായിരുന്നു
"
https://www.facebook.com/Malayalivartha
