ശ്രീമതി കെ കെ ശൈലജയ്ക്ക് നിർണ്ണായകമായ ഒരുകുറിപ്പ്പങ്കു വച്ച് രംഗത്ത് വന്നിരിക്കുകയാണ് രാഹുൽ മാങ്കൂട്ടാത്തിൽ. മറ്റുള്ളവർക്ക് ആവേശം കൊണ്ട് തെറ്റുന്നതും, തെറ്റിദ്ധരിപ്പിക്കുന്നതും മനസിലാക്കാം, പക്ഷേ താങ്കൾക്ക് സ്വന്തം ഭർത്താവിന്റെ വാർഡ് തെറ്റുവാൻ പാടുണ്ടോ? എന്നാണ് അദ്ദേഹം ചോദിക്കുന്നത് . ഫേസ്ബുക്ക് കുറിപ്പിന്റെ പൂർണ രൂപം ഇങ്ങനെ;

ശ്രീമതി കെ കെ ശൈലജ, രാവിലെ മുതൽ മട്ടന്നൂർ തിരഞ്ഞെടുപ്പാണല്ലോ ചർച്ച... ഭരണത്തുടർച്ചയുടെ അഹന്തയിൽ മത്സരിക്കുവാനിറങ്ങിയ CPM ന് കേരളത്തിലെ നിങ്ങളുടെ ഏറ്റവും വലിയ കോട്ടയിൽ കാലിടറി കഴിഞ്ഞ തവണത്തേക്കാൾ 7 സീറ്റ് നഷ്ടമായ ദിവസമാണിത്. UDF കഴിഞ്ഞ തവണത്തേക്കാൾ ഇരട്ടി സീറ്റ് നേടിയതിന്റെ "ഞെട്ടൽ " ഇടത് ക്യാംപിൽ മാറിയിട്ടില്ല. ആ ഞെട്ടലിൽ നിന്നാണ് രാവിലെ മട്ടന്നൂർ MLA കൂടിയായ താങ്കൾ ഫേസ് ബുക്ക് കുറിപ്പിട്ടത്. ആ കുറിപ്പിലെ ഒരു പ്രശ്നം ചൂണ്ടിക്കാണിക്കുവാനാണ് ഈ കുറിപ്പ്.

"എന്റെ വാർഡ് ഇടവേലിക്കൽ ആണ്. എന്റെ ഭർത്താവ് K ഭാസ്കരൻ മാസ്റ്റർ ജയിച്ച് മുൻസിപ്പൽ ചെയർമാൻ ആയ വാർഡും ഇതു തന്നെയാണ് " എന്നാണ് താങ്കൾ ഇട്ട പോസ്റ്റിൽ ആദ്യം എഴുതിയിരുന്നത്. താങ്കളുടെ ഭർത്താവ് K ഭാസ്ക്കരൻ മട്ടന്നൂർ നഗരഭ ചെയർമാനായത് 2012 ൽ ആണ്. അത് പക്ഷേ താങ്കൾ എഴുതിയത് പോലെ ഇടവേലിക്കൽ വാർഡിൽ നിന്നല്ല അദ്ദേഹം ജയിച്ചത്, പെരിഞ്ചേരി വാർഡിൽ നിന്നാണ്. ആ വാർഡ് ഞാൻ രാവിലെ എന്റെ പോസ്റ്റിൽ എഴുതിയത് പോലെ ഇത്തവണ ജയിച്ചത് UDF സ്ഥാനാർത്ഥിയാണ്.

മറ്റുള്ളവർക്ക് ആവേശം കൊണ്ട് തെറ്റുന്നതും, തെറ്റിദ്ധരിപ്പിക്കുന്നതും മനസിലാക്കാം, പക്ഷേ താങ്കൾക്ക് സ്വന്തം ഭർത്താവിന്റെ വാർഡ് തെറ്റുവാൻ പാടുണ്ടോ? എന്തായാലും പോസ്റ്റ് എഡിറ്റ് ചെയ്ത് "എഡിറ്ററമ്മ " പദവിക്ക് താങ്കൾ അർഹയാകുമ്പോഴും, സ്വന്തം തട്ടകത്തിലെ 7 സീറ്റ് CPIM ന് എങ്ങനെ നഷ്ടമായി എന്ന് പരിശോധിക്കുക.. നന്ദി