എസ്എഫ്ഐ നേതാവിനെ പഞ്ഞിക്കിട്ട് കേരളാ പോലീസ്; കാര്യവട്ടം ഗവണ്മെന്റ് കോളേജില് എസ്.എഫ്.ഐ പ്രവര്ത്തകരെ അടുച്ചോടിച്ചു
അച്ചടക്ക നടപടിക്ക് വിധേയനായ വിദ്യാര്ത്ഥിക്ക് വീണ്ടും പ്രവേശനം നല്കണമെന്നാവശ്യപ്പെട്ട് കാര്യവട്ടം ഗവണ്മെന്റ് കോളേജില് എസ്.എഫ്.ഐ പ്രവര്ത്തകര് നടത്തിയ പ്രതിഷേധം സംഘര്ഷത്തില് കലാശിച്ചു. പ്രവര്ത്തകര് പ്രിന്സിപ്പലിനെ മുറിയില് പൂട്ടിയിട്ടു. പിന്നീട് പൊലീസെത്തിയാണ് പ്രിന്സിപ്പലിനെ രക്ഷപ്പെടുത്തിയത്.
ഇന്നലെ വൈകിട്ട് 5ഓടെയായിരുന്നു സംഭവം. മുന്പ് കോളേജില് നിന്ന് സ്റ്റാറ്റിസ്റ്റിക്സ് ബിരുദ കോഴ്സ് പൂര്ത്തിയാക്കാതെ ഇറങ്ങിയ രോഹിത് രാജ് ഇത്തവണ ഏകജാലകം വഴി അതേ കോഴ്സിന് പ്രവേശനം നേടുകയായിരുന്നു. ഇന്നലെ ഇന്റര്വ്യൂവിന് കോളേജില് ഹാജരായപ്പോള് മുന്പ് ഇതേ കോഴ്സില് ഇവിടെ രോഹിത് പഠിച്ചതായി കണ്ടെത്തി. സര്വകലാശാല നിയമം അനുസരിച്ച് കോഴ്സ് പൂര്ത്തിയാക്കാതെ വീണ്ടും അതേ കോഴ്സിന് ചേരാന് കഴിയില്ലെന്ന് പ്രിന്സിപ്പലും ഇന്റര്വ്യൂ ബോര്ഡും വ്യക്തമാക്കി. കൂടാതെ കോളേജില് അച്ചടക്കനടപടി നേരിട്ട ആളാണ് രോഹിത്. പൂര്ത്തിയാക്കാത്ത കോഴ്സ് ക്യാന്സല് ചെയ്ത ശേഷം മറ്റൊരു കോഴ്സിന് അപേക്ഷിക്കാന് രോഹിത്തിനോട് കോളേജ് അധികൃതര് നിര്ദ്ദേശിച്ചു. എന്നാല്, രോഹിത് തയ്യാറായില്ല. സംഭവമറിഞ്ഞ് എസ്.എഫ്.ഐ പ്രവര്ത്തകര് സംഘടിച്ചെത്തി പ്രിന്സിപ്പല് സി.എസ്.ജയയെ ഉപരോധിക്കുകയായിരുന്നു.
തുടര്ന്ന് സ്ഥലത്തെത്തിയ കഴക്കൂട്ടം പൊലീസ് പ്രതിഷേധക്കാരോട് സംസാരിച്ചെങ്കിലും ഫലമുണ്ടായില്ല. വൈകിട്ട് 6ഓടെ പൊലീസ്,? പ്രവര്ത്തകരെ ബലമായി തള്ളിമാറ്റി പ്രിന്സിപ്പലിനെ പുറത്തിറക്കാന് ശ്രമിച്ചു. ഇത് പ്രവര്ത്തകര് തടഞ്ഞു. ഇവര് കോളേജിന്റെ ഗേറ്റ് പൂട്ടി,? ഗേറ്റിന് മുന്നില് ബൈക്കുകള് നിരത്തിവച്ചു. തുടര്ന്ന് കഴക്കൂട്ടം എ.സി.പി സി.എസ്. ഹരിയുടെ നേതൃത്വത്തില് കൂടുതല് പൊലീസ് സ്ഥലത്തെത്തി സമരക്കാരുമായി വീണ്ടും സംസാരിച്ചെങ്കിലും പ്രവര്ത്തകര് പിന്മാറിയില്ല. തുടര്ന്ന് ബലം പ്രയോഗിച്ചതോടെ സംഘര്ഷാവസ്ഥയായി. ഇതിനിടെ പ്രവര്ത്തകരില് ഒരാള് പൊലീസിനെ ആക്രമിച്ചു.
സംഘര്ഷത്തില് നാല് പൊലീസുകാര്ക്കും അഞ്ച് എസ്.എഫ്.ഐ പ്രവര്ത്തകര്ക്കും പരിക്കേറ്റു. എസ്.എഫ്.ഐ പ്രവര്ത്തകരെ അറസ്റ്റ് ചെയ്തു മാറ്റിയശേഷമാണ് പ്രിന്സിപ്പലിനെ പൊലീസ് ജീപ്പില് പുറത്തെത്തിച്ചത്. സംഭവത്തില് എസ്.എഫ്.ഐ കഴക്കൂട്ടം ഏരിയ കമ്മിറ്റി സെക്രട്ടറി അമിത് പവന്, ജോയിന്റ് സെക്രട്ടറി ഷൈജു, ഏരിയ പ്രസിഡന്റ് രാഹുല്, യൂണിറ്റ് അംഗങ്ങളായ സബീര്, അബി എന്നിവരെ പൊലീസ് കസ്റ്റഡിയിലെടുത്തു.
https://www.facebook.com/Malayalivartha
