കോഴിക്കോട് ചെറുവണ്ണൂരില്‍ പെയിന്റ് ഗോഡൗണിന് തീപിടിച്ചു. ഫറോക്ക് പഴയ പാലത്തിന് സമീപമാണ് തീപിടിത്തമുണ്ടായത്. മൂന്ന് ഫയര്‍ യൂണിറ്റ് എത്തി തീയണക്കുകയാണ്. പെയിന്റ് നിര്‍മാണത്തിന് ഉപയോഗിക്കുന്ന അസംസ്‌കൃത വസ്തുക്കള്‍ ഉള്‍പ്പെടെ ഗോഡൗണില്‍ ഉണ്ടായിരുന്നു.

ഗോഡൗണില്‍ സാധനങ്ങള്‍ ഇറക്കാന്‍ വന്ന ലോറിയിലേക്കും തീപടര്‍ന്നെങ്കിലും ഉടന്‍ സ്ഥലത്തുനിന്നും മാറ്റിയതിനാല്‍ വന്‍ ദുരന്തം ഒഴിവായി.സമീപത്തെ വീടുകളില്‍നിന്നും ആളുകളെ മാറ്റിയിട്ടുണ്ട്. തീയണയ്ക്കാനുള്ള ശ്രമം തുടരുന്നു. ആളപായമില്ല.