കൊടുവളളിക്ക് സമീപം പൂനൂര്‍ പുഴയില്‍ വൃദ്ധനെ മരിച്ച നിലയില്‍ കണ്ടെത്തി. കട്ടിപ്പാറ ചമല്‍ സ്വദേശി കരീം (70) ആണ് മരിച്ചത്. തലയില്‍ മുറിവേറ്റിട്ടുണ്ട്.

അംഗപരിമിതനായ കരീം പുഴയിലേക്ക് കാല്‍ വഴുതിവീണതെന്നാണ് പ്രാഥമിക നിഗമനം. ഇദ്ദേഹത്തിന്റെ വാഹനം പുഴയോരത്തുനിന്ന് കണ്ടെത്തിയിട്ടുണ്ട്. രാവിലെ പൂനൂര്‍ പുഴയില്‍ മൃതദേഹം കണ്ട നാട്ടുകാര്‍ പൊലീസില്‍ വിവരമറിയിക്കുകയായിരുന്നു. തുടര്‍ന്ന് നടത്തിയ പരിശോധനയിലാണ് മരിച്ചത് കരീം ആണെന്ന് തിരിച്ചറിയാന്‍ കഴിഞ്ഞത്.