ശരിക്കും എനിക്ക് ഫേമായി നോ പറയാനറിയില്ല. നോ പറയാൻ പഠിച്ചു കൊണ്ടിരിക്കുകയാണ് 24 മണിക്കൂർ എന്നുള്ളത് ഒരു ഒന്നോ രണ്ടോ മണിക്കൂർ കൂടുതൽ കിട്ടിയാൽ കൊള്ളാമെന്ന് ആഗ്രഹം. അത് പ്രായോഗികമല്ലാത്തത് കൊണ്ട് തന്നെ അല്പം ക്രെഡിബിലിറ്റി കിട്ടുന്നത് നോ പറയാൻ പഠിക്കുന്നതാണെന്ന് തോന്നുന്നു. നോ"- പറയാനറിയാമോ? എന്ന നിർണ്ണായക ചോദ്യവുമായി ഡോ.സുൽഫി നൂഹു രംഗത്ത്.

അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; നോ"- പറയാനറിയാമോ ശരിക്കും എനിക്ക് ഫേമായി നോ പറയാനറിയില്ല. നോ പറയാൻ പഠിച്ചു കൊണ്ടിരിക്കുകയാണ്.  24 മണിക്കൂർ എന്നുള്ളത് ഒരു ഒന്നോ രണ്ടോ മണിക്കൂർ കൂടുതൽ കിട്ടിയാൽ കൊള്ളാമെന്ന് ആഗ്രഹം. അത് പ്രായോഗികമല്ലാത്തത് കൊണ്ട് തന്നെ അല്പം ക്രെഡിബിലിറ്റി കിട്ടുന്നത് നോ പറയാൻ പഠിക്കുന്നതാണെന്ന് തോന്നുന്നു.

ഇന്നലെ കൂടി എസ് മൂളി രണ്ടുപേരെ പറ്റിച്ചു. പറ്റിച്ചതല്ല. അങ്ങനെ പറ്റിപ്പോയതാണ്. ഒ.പി കഴിഞ്ഞ് രണ്ട് സദ്യയിൽ പങ്കെടുക്കാമെന്ന് ചുമ്മാ സമ്മതിച്ചു. അങ്ങനെയാണ് കരുതിയിരുന്നത് . പക്ഷേ ഒ.പി കഴിഞ്ഞപ്പോൾ താമസിച്ചു. അത് കഴിഞ്ഞ് കൺസൾട്ടേഷൻ സ്ഥലത്ത് സമയത്ത് എത്താനുള്ള തിരക്കിൽപ്പെട്ടു. രണ്ട് സദ്യയിലും തല കാട്ടിയുട്ടുമില്ല. രണ്ടുപേരും നിദാന്ത ശത്രുക്കൾ ആകുമെന്നുറപ്പും കിട്ടി.

അതുകൊണ്ട് നോ പറയാനുള്ള ചില ശക്തമായ ട്രെയിനിങ്ങിലാണിപ്പോൾ വരാൻ കഴിയില്ല ചെയ്യാൻ കഴിയില്ല എത്താൻ കഴിയില്ല എന്നൊക്കെ ഹോണസ്റ്റായി പറയാൻ പഠിക്കുന്നു. അല്പം പ്രയാസമുള്ള കാര്യമാണെന്ന് തോന്നുന്നു. വളരെ വിനയത്തോടെ സത്യസന്ധമായി ധാർഷ്ട്യം എന്ന് തോന്നാതെ നോ പറയുന്നവർക്കാണ്  കൂടുതൽ ക്രെഡിബിലിറ്റി കൂടുതൽ വിശ്വാസ്യത കൂടുതൽ നല്ല സൗഹൃദങ്ങൾ എന്നും മനസ്സിലാക്കുന്നു. അതുകൊണ്ടു തന്നെ ഒരു നോ ട്രെയിനിങ് ആരംഭിച്ചിരിക്കുകയാണ്. ആരെങ്കിലും കൂടുന്നോ?