സംസ്ഥാനത്ത് ഇന്ന് പോപ്പുലര് ഫ്രണ്ട് ഹര്ത്താല്.... ദേശീയ സംസ്ഥാന നേതാക്കളെ എന്.ഐ.എ അറസ്റ്റ് ചെയ്തതില് പ്രതിഷേധിച്ച് പോപ്പുലര് ഫ്രണ്ട് ഇന്ന് സംസ്ഥാനത്ത് ഹര്ത്താല് നടത്തും.... രാവിലെ ആറു മുതല് വൈകുന്നേരം ആറ് വരെ, സാധാരണ പോലെ സര്വ്വീസ് നടത്തുമെന്ന് കെ.എസ്.ആര്.ടി.സി
സംസ്ഥാനത്ത് ഇന്ന് പോപ്പുലര് ഫ്രണ്ട് ഹര്ത്താല്.... ദേശീയ സംസ്ഥാന നേതാക്കളെം എന്.ഐ.എ അറസ്റ്റ് ചെയ്തതില് പ്രതിഷേധിച്ച് പോപ്പുലര് ഫ്രണ്ട് ഇന്ന് സംസ്ഥാനത്ത് ഹര്ത്താല് നടത്തും.... രാവിലെ ആറു മുതല് വൈകുന്നേരം ആറ് വരെ, സാധാരണ പോലെ സര്വ്വീസ് നടത്തുമെന്ന് കെ.എസ്.ആര്.ടി.സി.
ഇതുമായി ബന്ധപ്പെട്ട് എല്ലാ യൂണിറ്റ് അധികാരികള്ക്കും കെ.എസ്.ആര്.ടിസി. നിര്ദ്ദേശം നല്കി. ആശുപത്രികള്, വിമാനത്താവളങ്ങള്, റെയില്വെ സ്റ്റേഷനുകള്, എന്നിവടങ്ങളിലേക്ക് ആവശ്യാനുസരണം സര്വ്വീസ് നടത്തുകയും ചെയ്യും.
എന്തെങ്കിലും ക്രമസമാധാന പ്രശ്നം ഉണ്ടായാല് പോലീസിന്റെ സഹായം തേടാനും മുന്കൂട്ടി പോലീസ് സഹായം ആവശ്യമുണ്ടെങ്കില് അതിന് രേഖാമൂലം അപേക്ഷ നല്കുവാനും നിര്ദ്ദേശം നല്കി.
അതേസമയം ഇന്ന് ക്രമസമാധാന പാലനത്തിന് ആവശ്യമായ നടപടികള് സ്വീകരിക്കാനായി സംസ്ഥാന പോലീസ് മേധാവി അനില് കാന്ത് എല്ലാ ജില്ലാ പോലീസ് മേധാവിമാര്ക്കും നിര്ദ്ദേശം നല്കിയിട്ടുണ്ട്. അക്രമത്തില് ഏര്പ്പെടുന്നവര്, നിയമലംഘകര്, കടകള് നിര്ബന്ധമായി അടപ്പിക്കുന്നവര് എന്നിവര്ക്കെതിരെ കേസെടുത്ത് ഉടനടി അറസ്റ്റ് ചെയ്യും. സമരക്കാര് പൊതുസ്ഥലങ്ങളില് കൂട്ടംകൂടാതിരിക്കാനായി പോലീസ് ശ്രദ്ധ ചെലുത്തേണ്ടതാണ്. ആവശ്യമെങ്കില് കരുതല് തടങ്കലിനും നിര്ദ്ദേശിച്ചിട്ടുണ്ട്.
സംസ്ഥാനത്തെ മുഴുവന് പോലീസ് സേനാംഗങ്ങളെയും ക്രമസമാധാനപാലത്തിനായി നിയോഗിക്കുന്നതാണ്. ജില്ലാ പോലീസ് മേധാവിമാരുടെ നിയന്ത്രണത്തിലുളള സുരക്ഷാക്രമീകരണങ്ങളുടെ മേല്നോട്ട ചുമതല റേഞ്ച് ഡി.ഐ.ജിമാര്, സോണല് ഐ.ജിമാര്, ക്രമസമാധാന വിഭാഗം എ.ഡി.ജി.പി എന്നിവര്ക്കാണ്.
മാത്രവുമല്ല ഹര്ത്താലുമായി ബന്ധപ്പെട്ട് വാട്സാപ്പിലൂടെയും മറ്റ് സാമൂഹ്യ മാധ്യമങ്ങള് വഴിയും തെറ്റായ വിവരങ്ങളും അഭ്യൂഹങ്ങളും കിംവദന്തികളും പ്രചരിപ്പിക്കുന്നവര്ക്കെതിരെ നിയമനടപടി സ്വീകരിക്കുമെന്ന് ക്രമസമാധാനവിഭാഗം എ.ഡി.ജി.പി. വിജയ് സാഖറെ അറിയിച്ചിട്ടുണ്ട്. ഇത്തരം പ്രചാരണം നടത്തുന്നവരെ കണ്ടെത്താനായി സാമൂഹ്യമാധ്യമങ്ങളില് സൈബര് പട്രോളിങ് ആരംഭിക്കാന് നിര്ദ്ദേശം നല്കിയിട്ടുണ്ട്. കൂടാതെ ഹര്ത്താല് ദിവസം ജനങ്ങളുടെ സഞ്ചാരം തടയുന്നവര്ക്കെതിരെ കര്ശനമായ നിയമ നടപടി സ്വീകരിക്കും. സര്ക്കാര് ഓഫീസുകള്ക്കും സ്ഥാപനങ്ങള്ക്കും കെഎസ്ആര്ടിസി ഉള്പ്പെടെയുള്ള പൊതു ഗതാഗത സംവിധാനങ്ങള്ക്കും ആവശ്യമായ സുരക്ഷ ഒരുക്കാന് ജില്ലാ പോലീസ് മേധാവിമാര്ക്ക് നിര്ദ്ദേശം നല്കിയിട്ടുണ്ട്.
അതേസമയം കേരള എംജി കാലിക്കട്ട് കണ്ണൂര് സര്വകലാശാലകള് ഇന്നു നടത്താനിരുന്ന എല്ലാ പരീക്ഷകളും മാറ്റി വച്ചതായി അറിയിച്ചു. പുതുക്കിയ തീയതികള് പിന്നീട് അറിയിക്കും. കേരളാ നഴ്സിംഗ് കൗണ്സില് നടത്താനിരുന്ന പരീക്ഷ മാറ്റി വച്ചു.
അതേസമയം കേരള പബ്ളിക് സര്വീസ് കമ്മീഷന് ഇന്നു നടത്താന് നിശ്ചയിച്ചിരിക്കുന്ന പരീക്ഷകള് , നിയമന പരിശോധന എന്നിവ മാറ്റമില്ലാതെ നടക്കുമെന്ന് പി.എസ്.സി അറിയിച്ചു.
https://www.facebook.com/Malayalivartha
