ഹർത്താലിൽ പൊതുമുതൽ നശിപ്പിക്കുകയും മറ്റുള്ളവരെ ആക്രമിക്കുകയും ചെയ്തതൊക്കെ കേരളം കണ്ടതാണ്. അതിനൊക്കെ അപ്പുറംവളരുന്ന ന്യൂനപക്ഷ ഭൂരിപക്ഷ തീവ്രവാദ പ്രവർത്തനങ്ങൾ തടയിടപ്പെടേണ്ടതാണ്. അതിൽ ന്യൂനപക്ഷത്തിനൊ ഭൂരിപക്ഷത്തിനൊ സോഫ്റ്റ് മുഖം നൽകേണ്ട കാര്യമില്ല എന്ന നിർണ്ണായകമായ വിവരം ചൂണ്ടികാണിച്ച് രംഗത്ത് വന്നിരിക്കുകയാണ് ഡോ സുൽഫി നൂഹു . അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; ഹർത്താൽ പിറ്റേന്ന്. 

ഹർത്താലിൽ പൊതുമുതൽ നശിപ്പിക്കുകയും മറ്റുള്ളവരെ ആക്രമിക്കുകയും ചെയ്തതൊക്കെ കേരളം കണ്ടതാണ്. അതിനൊക്കെ അപ്പുറം വളരുന്ന ന്യൂനപക്ഷ ഭൂരിപക്ഷ തീവ്രവാദ പ്രവർത്തനങ്ങൾ തടയിടപ്പെടേണ്ടതാണ്. അതിൽ ന്യൂനപക്ഷത്തിനൊ ഭൂരിപക്ഷത്തിനൊ സോഫ്റ്റ് മുഖം നൽകേണ്ട കാര്യമില്ല.

സ്വന്തം സമുദായത്തിലെ പുഴുക്കുത്തുകൾ തിരിച്ചറിയുകയും അതുറക്കെ വിളിച്ചു പറയുകയും ചെയ്യുന്നത് ന്യൂനപക്ഷ ഭൂരിപക്ഷ സമുദായങ്ങൾക്ക് അത്യുത്തമം. മെല്ലെ മെല്ലെ മെല്ലെ ഭയം പരത്തുക എന്നുള്ളതാണ് ഈ രണ്ട് വിഭാഗങ്ങളിലുമുള്ള തീവ്രവാദ പക്ഷത്തിന്റെയും സ്ട്രാറ്റജി. എതിർപ്പുള്ളവരെ നിശബ്ദരാക്കുക എന്നത് പഴയ തന്ത്രവും .

അതുകൊണ്ടു തന്നെ അതാത് സമുദായങ്ങളിലെ പുഴുക്കുത്തുകളെ മുളയിലെ നുള്ളുകയെന്ന സ്ട്രാറ്റജിയാണ് കേരളത്തിന്  ഭാരതത്തിന്  ലോകത്തിന് നന്ന്. മതഭ്രാന്ത് തലയ്ക്കു പിടിക്കാത്ത ഒരു സമാധാന പ്രേമി.