മാനന്തവാടിയില്‍ 86 പിഎഫ്ഐ പ്രവര്‍ത്തകര്‍ റിമാന്‍ഡില്‍. പിഎഫ്ഐ നേതാക്കളെ അറസ്റ്റ് ചെയ്തതില്‍ പ്രതിഷേധിച്ച് ഡിവൈഎസ്പി ഓഫീസിലേക്ക് മാര്‍ച്ച് നടത്തിയതിനാണ് പ്രവര്‍ത്തകരെ അറസ്റ്റ് ചെയ്തത

14 ദിവസത്തേയ്ക്ക് മാനന്തവാടി മജിസ്ട്രേറ്റ് കോടതിയാണ് 86 പേരെ റിമാന്‍ഡ് ചെയ്തത്. പ്രതികളെ കണ്ണൂര്‍ ജയിലിലേക്ക് മാറ്റുമെന്ന് വ്യക്തമാക്കി കോടതി .


ഹര്‍ത്താല്‍ ആക്രമണങ്ങളില്‍ സംസ്ഥാനത്ത് ഇതുവരെ 308 കേസുകള്‍ രജിസ്റ്റര്‍ ചെയ്തു. വിവിധ അക്രമങ്ങളില്‍ പ്രതികളായ 1287 പേര്‍ അറസ്റ്റിലായി. 834 പേരെ കരുതല്‍ തടങ്കലിലാക്കി.തിരുവനന്തപുരം സിറ്റിയില്‍ 25 കേസുകള്‍ രജിസ്റ്റര്‍ ചെയ്തു. 52 പേര്‍ അറസ്റ്റിലാണ്. 151 പേര്‍ കരുതല്‍ തടങ്കലിലാണ്. കൊല്ലം സിറ്റിയില്‍ 27 കേസ് രജിസ്റ്റര്‍ ചെയ്തു. 169 പേരുടെ അറസ്റ്റ് രേഖപ്പെടുത്തി. 13 പേര്‍ കരുതല്‍ തടങ്കലിലാണ്.

വയനാട് അഞ്ച് കേസില്‍ 114 പേരെ അറസ്റ്റ് ചെയ്തു. 19 പേര്‍ കരുതല്‍ കസ്റ്റഡിയിലാണ്. കണ്ണൂര്‍ സിറ്റിയില്‍ 26 കേസ് കൂടി രജിസ്റ്റര്‍ ചെയ്തു. 31 പേര്‍ അറസ്റ്റിലായി. 101 പേര്‍ കരുതല്‍ തടങ്കലിലുണ്ട്. കാസര്‍ഗോഡ് ജില്ലയില്‍ 10 കേസില്‍ 52 അറസ്റ്റ് രേഖപ്പെടുത്തി. 34 പേരെ കരുതല്‍ തടങ്കലിലാക്കിയിട്ടുണ്ട്.

ആലപ്പുഴയില്‍ 15 കേസ് കൂടി രജിസ്റ്റര്‍ ചെയ്തു. 19 പേരെ അറസ്റ്റ് ചെയ്തു. 71 പേര്‍ കരുതല്‍ തടങ്കലിലാണ്. കോട്ടയത്ത് 28 കേസില്‍ 215 അറസ്റ്റ് രേഖപ്പെടുത്തി. ഇടുക്കിയില്‍ നാല് കേസില്‍ 16 പേര്‍ അറസ്റ്റിലായി.

മൂന്ന് പേര്‍ കരുതല്‍ തടങ്കലിലാണ്. എറണാകുളത്ത് ആറ് കേസുകള്‍ രജിസ്റ്റര്‍ ചെയ്തു.അഞ്ച് പേരെ അറസ്റ്റ് ചെയ്തു. 16 പേര്‍ തടങ്കലിലുമാണ്. തൃശൂര്‍ റൂറലില്‍ ഒന്‍പത് കേസ് രജിസ്റ്റര്‍ ചെയ്തു. പത്ത് പേരുടെ അറസ്റ്റും പത്ത് പേരെ കരുതല്‍ തടങ്കലിലും പ്രവേശിപ്പിച്ചു. പാലക്കാട് 7 കേസില്‍, 46 പേരുടെ അറസ്റ്റ് രേഖപ്പെടുത്തി. 35 പേര്‍ കരുതല്‍ തടങ്കലിലാണ്. മലപ്പുറത്ത് 34 കേസില്‍ 141 പേര്‍ അറസ്റ്റിലായി. 128 പേര്‍ കരുതല്‍ തടങ്കലിലാണ്. കോഴിക്കോട് സിറ്റി പരിധിയില്‍ 18 കേസുകള്‍ കൂടി രജിസ്റ്റര്‍ ചെയ്തു. 26 പേര്‍ അറസ്റ്റിലായി. 21 പേര്‍ കരുതല്‍ തടങ്കലിലാണ്.