വിഴിഞ്ഞം തുറമുഖ നിര്മ്മാണത്തിന് പോലീസ് സുരക്ഷ ആവശ്യപ്പെട്ട് അദാനി ഗ്രൂപ്പും കരാര് കമ്പനിയും നല്കിയ ഹര്ജികള് ഇന്ന് ഹൈക്കോടതി പരിഗണനയില്
വിഴിഞ്ഞം തുറമുഖ നിര്മ്മാണത്തിന് പോലീസ് സുരക്ഷ ആവശ്യപ്പെട്ട് അദാനി ഗ്രൂപ്പും കരാര് കമ്പനിയും നല്കിയ ഹര്ജികള് ഇന്ന് ഹൈക്കോടതി പരിഗണനയില്. അദാനി വിഴിഞ്ഞം പോര്ട്ട് പ്രൈവറ്റ് ലിമിറ്റഡ്,ഹോവെ എന്ജിനീയറിംഗ് പ്രൊജക്ടസ് എന്നീ കമ്പനികളാണ് ഹര്ജി നല്കിയത്.
കരാര് പ്രകാരമുള്ള പ്രവര്ത്തനങ്ങള്ക്ക് ബന്ധപ്പെട്ടവര്ക്ക് പോലീസ് സംരക്ഷണം നല്കാനായി ഹൈക്കോടതി നേരത്തെ ഉത്തരവിട്ടിരുന്നു. സര്ക്കാരിനെതിരെ ഹര്ജിക്കാര് നല്കിയ കോടതിയലക്ഷ്യ ഹര്ജികളും ഇതിനൊപ്പം പരിഗണിക്കുന്നതാണ്. ജസ്റ്റിസ് അനു ശിവരാമനാണ് 4 ഹര്ജികളും പരിഗണിക്കുന്നത്.
പദ്ധതിക്കു തടസ്സമുണ്ടാക്കാതെയും പദ്ധതി മേഖലയിലേക്കു അതിക്രമിച്ചു കടക്കാനായി അനുവദിക്കാതെയും പ്രതിഷേധം സമാധാനപരമായി തുടരാമെന്ന് കോടതി വ്യക്തമാക്കിയിട്ടുണ്ടായിരുന്നു.
എന്നാല് ഈ ഉത്തരവ് സര്ക്കാരും പോലീസും പാലിച്ചില്ലെന്നാരോപിച്ചാണ് അദാനി കോടതി അലക്ഷ്യ ഹര്ജി നല്കിയത്. ചീഫ് സെക്രട്ടറി അടക്കം ഉദ്യോഗസ്ഥര്ക്കെതിരെയും സമരം നയിക്കുന്ന വൈദികര്ക്കെതിരെയും നടപടി വേണമെന്ന് ഹര്ജിയില് ആവശ്യപ്പെടുന്നു.
"
https://www.facebook.com/Malayalivartha
