സമൂഹത്തിന്റെ അടിത്തട്ടില്‍ കഴിയുന്ന ജനവിഭാഗത്തിനു വേണ്ടി ശബ്ദിക്കുന്നില്ല.... കേരളത്തിലെ ഏക ഗോത്രവര്‍ഗ പഞ്ചായത്തായ ഇടമലക്കുടി സന്ദര്‍ശിച്ച് സുരേഷ്‌ഗോപി. മണ്ണും മലയും മരവും തുരന്നെടുക്കുന്നവര്‍ക്കു വേണ്ടി നിലകൊള്ളുന്ന ആളുകളാരും സമൂഹത്തിന്റെ അടിത്തട്ടില്‍ കഴിയുന്ന ജനവിഭാഗത്തിനു വേണ്ടി ശബ്ദിക്കുന്നില്ലെന്നു നടന്‍ സുരേഷ് ഗോപി.

തന്റെ എംപി ഫണ്ടില്‍ നിന്ന് ഇടമലക്കുടിയിലെ ശുദ്ധജലപദ്ധതിക്കായി 12 ലക്ഷം രൂപ അനുവദിച്ചെങ്കിലും പദ്ധതി നടപ്പാക്കാനായി വനംവകുപ്പ് തടസ്സം നില്‍ക്കുകയാണെന്നും പണം പാഴാകാതെ മറ്റെവിടെയെങ്കിലും ചെലവാക്കാനാണ് ഒരു വര്‍ഷത്തിനു ശേഷം ഇടുക്കി കലക്ടര്‍ നിര്‍ദേശിച്ചതെന്നും അദ്ദേഹം പറയുന്നു.

കഴിഞ്ഞ ജനുവരിയില്‍ ഇടമലക്കുടിയിലെ ശുദ്ധജലപ്രശ്‌നം പരിഹരിക്കുന്നതിനായി തന്റെ മകള്‍ ലക്ഷ്മിയുടെ പേരിലുള്ള ട്രസ്റ്റില്‍ നിന്ന് 7 ലക്ഷം രൂപ സുരേഷ് ഗോപി അനുവദിച്ചിട്ടുണ്ടായിരുന്നു. ഈ തുക ഉപയോഗിച്ച് 3 കിലോമീറ്റര്‍ അകലെ നിന്ന് ഇഡ്ഡലിപ്പാറക്കുടിയിലേക്കു വെള്ളം എത്തിക്കുകയായിരുന്നു.

ഇടമലക്കുടിയിലേക്കുള്ള യാത്രയ്ക്കിടയില്‍ സുരേഷ് ഗോപി പെട്ടിമുടി ദുരന്തത്തില്‍ മരിച്ചവരുടെ കല്ലറയില്‍ പൂക്കള്‍ അര്‍പ്പിക്കുകയും ചെയ്തു.