തൃശ്ശൂരില് അഞ്ഞൂറ് കോടിയുടെ നിക്ഷേപത്തട്ടിപ്പ് നടത്തി മുങ്ങി; നിക്ഷേപം കൊണ്ട് സ്ഥലം വാങ്ങിയതായും ദുബായില് എട്ട് സ്ഥലങ്ങളിലായി കുട്ടികളുടെയും സ്ത്രീകളുടെയും വസ്ത്രങ്ങള് വില്ക്കുന്ന കടകള് തുടങ്ങിയതായും കണ്ടെത്തി ;രണ്ട് പേര് പിടിയില്
തൃശ്ശൂരില് അഞ്ഞൂറ് കോടിയുടെ നിക്ഷേപത്തട്ടിപ്പ് നടത്തി ഒളിവില് പോയ രണ്ട് പേരെ പോലീസ് പിടികൂടി. വടക്കാഞ്ചേരി സ്വദേശികളായ ഫ്യൂച്ചര് ട്രേഡ് ലിങ്ക് ഉടമ മലാക്ക രാജേഷ്, കൂട്ടാളി ഷിജോ പോള് എന്നിവരെയാണ് കോയമ്പത്തൂരിലെ ഒളിസങ്കേതത്തില് നിന്ന് പിടികൂടിയത്.
അതേസമയം പത്ത് മാസം കൊണ്ട് നിക്ഷേപത്തുക ഇരട്ടിയാക്കാമെന്ന് പറഞ്ഞായിരുന്നു ഇവർ തട്ടിപ്പ് നടത്തിയത്. തുടർന്ന് മൈ ക്ലബ് ട്രേഡേഴ്സ്, ഫ്യൂച്ചര് ട്രേഡ് ലിങ്ക്, ടോണ്ടി വെഞ്ചേഴ്സ് എന്നീ കമ്പനികളുടെ മറവില് അഞ്ഞൂറ് കോടിയിലേറെ രൂപ നിക്ഷേപമായി സ്വീകരിച്ച് ആണ് ഇവർ തട്ടിപ്പ് നടത്തിയത്.
സംഭവത്തിൽ പരാതി ഉയർന്നതോടെ തൃശ്ശൂര് ഇസ്റ്റ്, വെസ്റ്റ് സി.ഐമാരുടെ നേതൃത്വത്തിലുള്ള പോലീസ് സംഘമാണ് പ്രതികളെ അറസ്റ്റ് ചെയ്തത്. മാത്രമല്ല ക്രിപ്റ്റോ കറന്സി വിനിമയം, സ്വര്ണ്ണം, വെള്ളി, ക്രൂഡ് ഓയില് ട്രേഡിങ് എന്നിവയില് നിക്ഷേപിക്കാനെന്ന് പറഞ്ഞായിരുന്നു പ്രതികള് കോടികള് സമാഹരിച്ചത്.
എന്നാൽ പണം തിരികെ ലഭിക്കാത്തതിനെത്തുടര്ന്ന് നിക്ഷേപകര് കൂട്ടത്തോടെ പരാതിയുമായി എത്തിയതോടെ പ്രതികള് നാടുവിട്ടു. ഇതേതുടർന്ന് നടത്തിയ അന്വേഷണത്തിലാണ് ഇരുവരെയും പിടികൂടിയത്. തട്ടിപ്പിൽ രാജേഷ് മാത്രം അമ്പത് കോടി രൂപയോളം സമാഹരിച്ചിരുന്നതായാണ് പോലീസിന് ലഭിച്ച വിവരം. കൂടാതെ നിക്ഷേപം കൊണ്ട് സ്ഥലം വാങ്ങിയതായും ദുബായില് എട്ട് സ്ഥലങ്ങളിലായി കുട്ടികളുടെയും സ്ത്രീകളുടെയും വസ്ത്രങ്ങള് വില്ക്കുന്ന കടകള് തുടങ്ങിയതായും കണ്ടെത്തി.
https://www.facebook.com/Malayalivartha
