കെഎസ്ആര്ടിസി കാട്ടാക്കട ഡിപ്പോയില് ബസ് കണ്സഷന് പുതുക്കാന് വന്ന പെണ്കുട്ടിയെയും അച്ഛനെയും മര്ദിച്ച ജീവനക്കാരുടെ മുന്കൂര് ജാമ്യാപേക്ഷയില് വിധി ഇന്ന്...
കെഎസ്ആര്ടിസി കാട്ടാക്കട ഡിപ്പോയില് ബസ് കണ്സഷന് പുതുക്കാന് വന്ന പെണ്കുട്ടിയെയും അച്ഛനെയും മര്ദിച്ച ജീവനക്കാരുടെ മുന്കൂര് ജാമ്യാപേക്ഷയില് വിധി ഇന്ന്...
മകളുടെ മുന്നില് അച്ഛനെ ക്രൂരമായി മര്ദിക്കുകയും അത് തടയാന് ശ്രമിച്ച മകളെ മര്ദിക്കുകയും ചെയ്ത പ്രതികള്ക്ക് ജാമ്യം ലഭിച്ചാല് അതു സമൂഹത്തിനു തെറ്റായ സന്ദേശം നല്കുമെന്ന് മുന്കൂര് ജാമ്യഹര്ജിയെ എതിര്ത്ത സര്ക്കാര് കോടതിയില് നിലപാട് വ്യക്തമാക്കി. പ്രതികള്ക്കു മര്ദനമേറ്റയാളെ മുന്പരിചയം ഉള്ളതുകൊണ്ടാണ് പ്രതികളുടെ മുന്കൂര് ജാമ്യഹര്ജിയില് മര്ദനമേറ്റയാള് നിരന്തരം പരാതികള് നല്കുന്ന ആളാണെന്നു വ്യക്തമായി പറഞ്ഞിട്ടുള്ളത്.
പൊതുജനങ്ങളുടെയും സ്വന്തം പിതാവിന്റെയും മുന്നില്വെച്ച് മര്ദനമേറ്റ വിദ്യാര്ഥിനിയുടെ സ്ത്രീത്വം അപമാനിക്കപ്പെട്ടതായി പ്രോസിക്യൂഷന് വാദിച്ചു. സമൂഹമാധ്യമത്തില് പ്രചരിപ്പിക്കപ്പെട്ട വീഡിയോയിലെ പ്രതികളുടെ ശബ്ദവും ദൃശ്യങ്ങളും ശാസ്ത്രീയ പരിശോധനയിലൂടെ കണ്ടെത്താന് പ്രതികളെ കസ്റ്റഡില് ചോദ്യംചെയ്യേണ്ടതുള്ളതിനാല് പ്രതികള്ക്ക് ജാമ്യം അനുവദിക്കരുതെന്നും സര്ക്കാര് അഭിഭാഷകന് കോടതിയെ അറിയിച്ചിട്ടുണ്ട്.
പെണ്കുട്ടിയുടെ പിതാവിനു മര്ദനമേറ്റിട്ടില്ലെന്നും ജീവനക്കാരോട് വഴക്കുണ്ടാക്കി അസഭ്യം പറഞ്ഞ് രക്ഷപ്പെടാനായി ശ്രമിച്ചയാളെ വിശ്രമകേന്ദ്രത്തില് പോലീസ് വരും വരെ തടഞ്ഞുവയ്ക്കുകമാത്രമാണ് ചെയ്തതെന്നുമാണ് പ്രതിഭാഗം വാദിച്ചത്.
https://www.facebook.com/Malayalivartha
