രാജ്യസഭാ പ്രതിപക്ഷ നേതൃസ്ഥാനം രാജിവച്ച് മല്ലികാര്ജുന് ഖാര്ഗെ... മത്സരിക്കാന് നാമനിര്ദേശ പത്രിക നല്കിയതിന് പിന്നാലെയാണ് രാജി നല്കിയത്
രാജ്യസഭാ പ്രതിപക്ഷ നേതൃസ്ഥാനം രാജിവച്ച് മല്ലികാര്ജുന് ഖാര്ഗെ. ജയ്പൂര് സമ്മേളനത്തില് എടുത്ത ഒരാള്ക്ക് ഒരു പദവി എന്ന പാര്ട്ടി നയം പാലിച്ചു കൊണ്ടാണ് കോണ്ഗ്രസ് അധ്യക്ഷ തെരഞ്ഞെടുപ്പിലെ സ്ഥാനാര്ത്ഥിയായ മല്ലികാര്ജ്ജുന് ഖാര്ഗെ രാജ്യസഭാ പ്രതിപക്ഷ നേതൃസ്ഥാനം രാജിവച്ചത്.
മത്സരിക്കാനായി നാമനിര്ദേശ പത്രിക നല്കിയതിന് പിന്നാലെയാണ് രാജി നല്കിയത്. മല്ലികാര്ജ്ജുന് ഖാര്ഗെ രാജിവച്ച സാഹചര്യത്തില് പകരം പി.ചിദംബരം, ദിഗ്വിജയ് സിങ്, മുകുള് വാസ്നിക് എന്നിവരില് ഒരാളെ രാജ്യസഭാ പ്രതിപക്ഷ നേതാവ് സ്ഥാനത്ത് പരിഗണിച്ചേക്കും.
ഗെലോട്ട് അധ്യക്ഷ സ്ഥാനത്തേക്ക് മത്സരിക്കാത്തത് ഈ തീരുമാനം കാരണമായിരുന്നു. പാര്ട്ടി അധ്യക്ഷനാവുകയാണെങ്കില് രാജസ്ഥാന് മുഖ്യമന്ത്രി സ്ഥാനം രാജിവയ്ക്കണമെന്ന ഹൈക്കമാന്ഡ് നിര്ദേശം കാരണമാണ് ഗലോട്ട് രാജിവച്ചത്.
അതേസമയം കോണ്ഗ്രസ് അധ്യക്ഷ തെരഞ്ഞെടുപ്പിലെ നാമനിര്ദ്ദേശപത്രികകളുടെ സൂക്ഷമ പരിശോധന ഇന്ന് നടക്കും. വൈകിട്ടോടെ പരിശോധന പൂര്ത്തിയാക്കി അംഗീകരിക്കപ്പെട്ട പത്രികകള് ഏതെന്ന് വ്യക്തമാക്കുകയും ചെയ്യും.
മല്ലികാര്ജുന് ഖാര്ഗെ, ശശി തരൂര് , കെ എന് ത്രിപാഠി എന്നിവരാണ് നിലവില് പത്രിക നല്കിയത്. ഖാര്ഗെ പതിനാലും തരൂര് അഞ്ചും പത്രികകളാണ് സമര്പ്പിച്ചത്. ഇന്ന് മഹാരാഷ്ട്രയിലെ ദീക്ഷഭൂമി സ്മാരകത്തില് സന്ദര്ശനം നടത്തുന്ന തരൂര് തിരഞ്ഞെടുപ്പ് പ്രചാരണവും ആരംഭിക്കും. സംസ്ഥാനങ്ങളിലെ വോട്ടര്മാരായ നേതാക്കളുമായി തരൂര് കൂടിക്കാഴ്ച നടത്തിയേക്കും.
"
https://www.facebook.com/Malayalivartha
