ആൾകൂട്ടത്തിൽ വെച്ച് രാജവെമ്പാലയ്ക്ക് ഒരുമ്മ കൊടുക്കാൻ ആഗ്രഹം: ഒടുവിൽ കടിയേറ്റ് യുവാവ് ആശുപത്രിയിൽ
കര്ണാടകയില് രാജവെമ്പാലയെ ചുംബിക്കാന് ശ്രമിച്ച യുവാവിന് കടിയേറ്റു. രാജവെമ്പാലയെ പിടികൂടിയ ശേഷം ചുംബിക്കാന് ശ്രമിക്കുമ്പോഴാണ് യുവാവിന് കടിയേറ്റത്. കര്ണാടകയില് ശിവമോഗജില്ലയിലെ ഭദ്രാവതിയിലായിരുന്നു സംഭവം.
സംഭവ സ്ഥലത്ത് നിന്നും പാമ്പിനെ പിടികൂടിയ യുവാവ് ആള്ക്കൂട്ടത്തിന് മുന്നില് വെച്ച് പാമ്പിന്റെ തലയില് ചുംബിക്കാന് ശ്രമിക്കവെ പാമ്പ് തിരിഞ്ഞ് യുവാവിന്റെ ചുണ്ടില് കൊത്തുകയായിരുന്നു. ഇതിന്റെ വീഡിയോ സോഷ്യല് മീഡിയയില് വ്യാപകമായി പ്രചരിക്കുന്നുണ്ട്.
അതേസമയം കൊത്തിയ ശേഷം കയ്യില് നിന്ന് താഴെ വീണ പാമ്പ് ഇഴഞ്ഞു പോകുന്നതും മറ്റൊരാള് ഇതിനെ പിടിക്കാന് ശ്രമിക്കുന്നതും വീഡിയോയില് കാണാം. ഉടനെ തന്നെ കടിയേറ്റ യുവാവിനെ ഉടന് തന്നെ ആശുപത്രിയിലെത്തിച്ചു. നിലവിൽ ഇയാളുടെ ആരോഗ്യനില തൃപ്തികരമാണെന്നും, അപകട നില തരണം ചെയ്തതായും റിപ്പോര്ട്ടുണ്ട്. യുവാവിനെതിരെ സോഷ്യൽ മീഡിയകളിൽ വിമർശനം ശക്തമാകുകയാണ്.
https://www.facebook.com/Malayalivartha
