കർണ്ണാടകയിൽ പോയി അവിടുത്തെ ഹിജാബ് നിരോധനത്തിന് എതിരെ പ്രസംഗിച്ച സഖാവ് പിണറായി വിജയൻ കേരളത്തിലെ ഹിജാബ് നിരോധനം കണ്ട മട്ടില്ല. കേരളത്തിലെ വിവിധ എയ്ഡട് സ്കൂളുകളിൽ ഹിജാബ് നിരോധനമുണ്ട് എന്ന നിർണ്ണായകമായ കുറിപ്പ് പങ്കു വച്ച് ഫാത്തിമ താഹിലിയ.

അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; കർണ്ണാടകയിൽ പോയി അവിടുത്തെ ഹിജാബ് നിരോധനത്തിന് എതിരെ പ്രസംഗിച്ച സഖാവ് പിണറായി വിജയൻ കേരളത്തിലെ ഹിജാബ് നിരോധനം കണ്ട മട്ടില്ല. കേരളത്തിലെ വിവിധ എയ്ഡട് സ്കൂളുകളിൽ ഹിജാബ് നിരോധനമുണ്ട്.

രക്ഷിതാക്കൾ പരാതിപ്പെടാത്തതു ഒന്നു കൊണ്ട് മാത്രമാണ് അതൊന്നും പുറത്ത് വരാത്തത്. ഹിജാബ് നിരോധനം പുറത്ത് വന്ന പ്രൊവിഡൻസ് സ്കൂളിലാകട്ടെ, കേരള സർക്കാർ യാതൊരു ഇടപെടലും നടത്തുന്നുമില്ല. സർക്കാറാണ് പ്രൊവിഡൻസ് സ്കൂളിലെ അദ്ധ്യാപകർക്ക് ശമ്പളം നൽകുന്നത്.

നിരവധി വിദ്യാർത്ഥി സംഘടനകൾ ഹിജാബ് നിരോധനത്തിനെതിരെ സമരം ചെയ്തിട്ടും പോലീസിനെ ഉപയോഗിച്ച് സമരത്തെ അടിച്ചമർത്താനാണ് സർക്കാർ ശ്രമിക്കുന്നത്. SFI യാകട്ടെ ഈ വിഷയം അറിഞ്ഞ മട്ടിലേയല്ല. വസ്ത്രം ഹിജാബായിപ്പോയി, വല്ല ജീൻസോ, ടീ ഷർട്ടോ ആയിരുന്നെങ്കിൽ കാണാമായിരുന്നു SFI യുടെ പൊടിപൂരം!