കൊച്ചിയിൽ നഗരത്തിൽ വീണ്ടും ലഹരിമരുന്ന് വേട്ട. മാരക ലഹരിവസ്ത്തുക്കളുമായി തോപ്പുംപടി സ്വദേശി പ്രണവാണ് മട്ടാഞ്ചേരി എക്‌സൈസിന്റെ പിടിലായത്. ഇയാളിൽ നിന്ന് 2.470 ഗ്രാം എംഡിഎംഎയും 1.400 ഗ്രാം ഹാഷിഷ് ഓയിലും എക്‌സൈസ് പിടിച്ചെടുത്തു. വാത്തുരുത്തി റെയിൽവേ ഗേറ്റിന് സമീപത്തുനിന്നാണ് പ്രതിയെ പിടികൂടിയത്.

കൊച്ചിയില്‍ ഇറാനിയന്‍ കപ്പലില്‍ നിന്നാണ് 200 കിലോ ഹെറോയിനുമായി ആറ് പേരെ കസ്റ്റഡിയിലെടുത്തു. 1200 നോട്ടിക്കല്‍ മൈല്‍ അകലെ പുറംകടലില്‍ നിന്നാണ് ലഹരിമരുന്ന് പിടികൂടിയത്.കസ്റ്റഡിയിലെടുത്തത് ഇറാന്‍, പാകിസ്താന്‍ പൗരന്മാരാണെന്നാണ് വിവരം.

ഇറാനില്‍ നിന്ന് ഇന്ത്യന്‍ മഹാസമുദ്രം വഴി ലഹരിമരുന്ന് പാകിസ്താനിലേക്ക് എത്തിക്കുന്ന വന്‍കിട നീക്കമാണ് നാവികസേന പിടികൂടിയത്. നാവിക സേനയ്ക്ക് ലഭിച്ച രഹസ്യവിവരത്തന്റെ അടിസ്ഥാനത്തിലാണ് പ്രത്യേക ഓപ്പറേഷന്‍ നടത്തിയത്. നാവികസേന കേസ് കോസ്റ്റല്‍ പൊലീസിന് കൈമാറും.