വിനോദയാത്ര പോകുന്ന ബസിന്റെ വിവരങ്ങള് ആര്.ടി.ഒ ഓഫീസില് അറിയിക്കണമെന്ന് ഗതാഗതമന്ത്രി ആന്റണി രാജു
വടക്കഞ്ചേരി ബസ് അപകടത്തില് പ്രതികരണവുമായി ഗതാഗതമന്ത്രി ആന്റണി രാജു. ഡ്രൈവര്മാരുടെ ഡ്രൈവിങ് പശ്ചാത്തലം, എക്സ്പീരിയന്സ് തുടങ്ങിയവ വളരെ പ്രാധാന്യത്തോടെ കാണണമെന്ന് മന്ത്രി പ്രതികരിച്ചു. വിനോദയാത്ര പോകുന്ന ബസിന്റെ വിവരങ്ങള് ആര്.ടി.ഒ ഓഫീസില് കൈമാറാന് ശ്രദ്ധിക്കണം. അപകടത്തില് ആദ്യ ഘട്ട രക്ഷാപ്രവര്ത്തനത്തില് താമസം നേരിട്ടെന്നും മന്ത്രി കൂട്ടിച്ചേര്ത്തു.
അപകടത്തില്പ്പെട്ട നാല് പേരുടെ നില ഗുരുതരമാണെന്ന് മന്ത്രി പറഞ്ഞു. കാറിനെ ഓവര്ട്ടേക്ക് ചെയ്ത ടൂറിസ്റ്റ് ബസ്, മുന്പില് പോയിരുന്ന കെഎസ്ആര്ടിസി ബസ്സിന്റെ പിറകില് ഇടിക്കുകയായിരുന്നെന്നാണ് പ്രാഥമിക വിവരം. ഇടിയുടെ ആഘാതത്തില് രണ്ട് ബസുകളും വശങ്ങളിലേക്ക് ചെരിഞ്ഞ് മറിഞ്ഞു.
അപകടമുണ്ടായതിന് പിന്നാലെ വന്ന വാഹനങ്ങള് ആദ്യം ഇവരെ രക്ഷിക്കാനോ അടിയന്തര വിവരങ്ങള് കൈമാറാനോ ശ്രമിച്ചില്ല. അല്പം വൈകിയാണ് ആശുപത്രിയില് ഇവരെയെത്തിക്കാനായത്. അപകട വിവരം അറിഞ്ഞപ്പോള് തന്നെ, ട്രാന്സ്പോര്ട്ട് കമ്മീഷണറുമായി ബന്ധപ്പെട്ടു. അദ്ദേഹം ഉടനെ തിരുവനന്തപുരത്ത് നിന്ന് പാലക്കാട്ടേക്ക് തിരിച്ചു.
https://www.facebook.com/Malayalivartha
