രാത്രി യാത്ര പാടില്ല.... സ്കൂളുകളില് നിന്ന് വിനോദയാത്ര പോകുമ്പോള് രാത്രി യാത്ര ഒഴിവാക്കണമെന്ന നിര്ദ്ദേശം സംസ്ഥാനത്തെ എല്ലാ സ്കൂളുകളും നിര്ബന്ധമായും പാലിക്കണമെന്ന് വിദ്യാഭ്യാസമന്ത്രി
സ്കൂളുകളില് നിന്ന് വിനോദയാത്ര പോകുമ്പോള് രാത്രി യാത്ര ഒഴിവാക്കണമെന്ന നിര്ദ്ദേശം സംസ്ഥാനത്തെ എല്ലാ സ്കൂളുകളും നിര്ബന്ധമായും പാലിക്കണമെന്ന് വിദ്യാഭ്യാസമന്ത്രി വി. ശിവന്കുട്ടി.
രാത്രി 9 മണി മുതല് രാവിലെ 6 വരെയാണ് യാത്ര പാടില്ലെന്ന് നിഷ്കര്ഷിച്ചിരിക്കുന്നത്. ടൂറിസം വകുപ്പ് അംഗീകാരം നല്കിയ നല്കിയിട്ടുള്ള ടൂര് ഓപ്പറേറ്റര്മാരുടെ പട്ടികയില് ഉള്ള വാഹനങ്ങള് മാത്രമേ പഠന യാത്രകള്ക്ക് ഉപയോഗിക്കാന് പാടുള്ളൂ.
പഠനയാത്രകള് കുട്ടികളുടെ പഠനവുമായി ബന്ധപ്പെട്ടുള്ളതാകണം. എല്ലാ യാത്രകളുടെയും പൂര്ണ്ണ ഉത്തരവാദിത്വം സ്ഥാപനങ്ങളുടെ തലവന്മാര്ക്കാണെന്ന് 2020 മാര്ച്ച് 02 ലെ ഉത്തരവിലൂടെ വ്യക്തമാക്കിയിട്ടുണ്ടെന്നും വ്യക്തമാക്കി വിദ്യാഭ്യാസമന്ത്രി.
അതേസമയം വടക്കഞ്ചേരിയിലെ ബസ് അപകടത്തിന്റെ പശ്ചാത്തലത്തില് സംസ്ഥാന വ്യാപകമായി ഇന്ന് മുതല് വാഹന പരിശോധന ശക്തമാക്കാന് ഗതാഗത കമ്മീഷണര് നിര്ദ്ദേശം നല്കി. നിയമ ലംഘനം നടത്തുന്ന ബസ്സുകള് ഉള്പ്പെടെ എല്ലാ വാഹനങ്ങളും പരിശോധിക്കാന് നിര്ദ്ദേശം നല്കി. അന്തര്സംസ്ഥാന സര്വ്വീസ് നടത്തുന്ന വാഹനങ്ങളും പരിശോധിക്കും.വടക്കഞ്ചേരി അപകടത്തിലെ ഹൈക്കോടതിയുടെ ഇടപടെലിന്റെ കൂടി അടിസ്ഥാനത്തിലാണ് നടപടി. ജിപിഎസ് ഘടിപ്പിക്കാത്ത വാഹനങ്ങളെ പ്രത്യേകം കണ്ടെത്താനാണ് നിര്ദ്ദേശം.
"
https://www.facebook.com/Malayalivartha
