മോഡിഫൈ ചെയ്ത കാറില് സഞ്ചരിച്ചിരുന്നവര് ആര്: അമിതവേഗത്തില് എംവിഡി ഉദ്യോഗസ്ഥനെ ഇടിച്ചുതെറിപ്പിക്കാന് ശ്രമം
വാഹനപരിശോധനയ്ക്ക് കാര് നിര്ത്താന് ആവശ്യപ്പെട്ട മോട്ടോര് വാഹനവകുപ്പ് ഉദ്യോഗസ്ഥനെ ഇടിച്ചുതെറിപ്പിക്കാന് ശ്രമം. തിരൂര് പറവണ്ണയിലായിരുന്നു സംഭവം. ഇരിട്ടി രജിസ്ട്രേഷനിലുള്ള വാഹനം മോഡിഫൈ ചെയ്തിട്ടുണ്ടെന്നും ഇതിന്റെ രജിസ്ട്രേഷന് കാലാവധി കഴിഞ്ഞതായും എംവിഡി കണ്ടെത്തി. വാഹനത്തിലുണ്ടായിരുന്ന വിദ്യാര്ത്ഥികളെ കണ്ടെത്താന് ശ്രമം ആരംഭിച്ചെന്ന് എംവിഡി ഉദ്യോഗസ്ഥര് വ്യക്തമാക്കി.
അമിതവേഗത്തിലെത്തിയ മോഡിഫൈ ചെയ്ത കാറില് സ്കൂള് യൂണിഫോം ധരിച്ച വിദ്യാര്ത്ഥികളായിരുന്നു എന്നാണ് സൂചന. ആദ്യം വാഹനം കണ്ട തിരുനാവായയില് വച്ച് വാഹനപരിശോധന നടത്തുകയായിരുന്ന മോട്ടോര് വാഹന വകുപ്പ് ഉദ്യോഗസ്ഥര് കൈകാണിച്ചു. എന്നാല് അമിതവേഗത്തില് നിര്ത്താതെ കാര് പാഞ്ഞുപോയി.
കൊടക്കല്ല് ഭാഗത്ത് കാര് പാഞ്ഞെത്തിയതോടെ എംവിഡി ഉദ്യോഗസ്ഥര് നിര്ത്താന് ആവശ്യപ്പെട്ടു. എന്നാല് കാര് നിര്ത്തിയില്ല. പിന്നീട് പറവണ്ണ ഭാഗത്തെത്തിയപ്പോള് വാഹനം അവിടെ നിര്ത്തിയിട്ടിരിക്കുന്നത് എംവിഡി കണ്ടു. തുടര്ന്ന് ജീപ്പ് നിര്ത്തി ഉദ്യോഗസ്ഥന് കാറിനടുത്തേക്ക് എത്തുന്നതിനിടെയാണ് അമിതവേഗത്തില് കാറുമായി കടക്കാന് ശ്രമിച്ചത്. ഇതിനിടെ ഉദ്യോഗസ്ഥനെ ഇടിക്കാനും ശ്രമിക്കുകയായിരുന്നു.
https://www.facebook.com/Malayalivartha
