ഒരു ജീവിയെപ്പോലും ഉപദ്രവിച്ചിട്ടില്ല! നിരപരാധിയാണെന്നും അത് തെളിയിക്കുമെന്നും എല്ദോസ്, മുന്കൂര്ജാമ്യം ലഭിച്ചതിനെത്തുടര്ന്ന് എല്ദോസ് കുന്നപ്പിള്ളില് എംഎൽഎ മുവാറ്റുപുഴയിലെ വീട്ടിലെത്തി
എല്ദോസ് കുന്നപ്പിള്ളില് എംഎൽഎ മുവാറ്റുപുഴയിലെ വീട്ടിലെത്തിയിരിക്കുകയാണ്. മുന്കൂര്ജാമ്യം ലഭിച്ചതിനെത്തുടര്ന്നാണ് വീട്ടിലേക്ക് മടങ്ങിവന്നത്. ഒരു ജീവിയെപ്പോലും ഉപദ്രവിച്ചിട്ടില്ല എന്നും നിരപരാധിയാണെന്നും അത് തെളിയിക്കുമെന്നും എല്ദോസ് പറഞ്ഞു. ;പിന്നാലെ കെപിസിസി പ്രസിഡന്റിനെ വിളിച്ച് സംസാരിക്കുകയുണ്ടായി.
കൂടാതെ പാര്ട്ടിക്ക് വിശദീകരണം നല്കി. ഒളിവില് പോയിട്ടില്ല, കോടതിക്ക് മുന്നില് തന്റെ അപേക്ഷ ഉണ്ടായിരുന്നെന്ന് എല്ദോസ് പറഞ്ഞു. നാളെ കോടതിയില് ഹാജരായി ജാമ്യനടപടി പൂര്ത്തിയാക്കുമെന്നും അദ്ദേഹം വ്യക്തമാക്കി. ഒരാഴ്ചയിലധികമായി ഒളിവിലായിരുന്ന എൽദോസ്, തിരുവനന്തപുരം അഡി. സെഷൻസ് കോടതി ഇന്നലെ മുൻകൂര് ജാമ്യം നല്കിയ സാഹചര്യത്തിലാണ് മണ്ഡലത്തില് തിരിച്ചെത്തിയിരിക്കുന്നത്.
അതേസമയം കോടതി നിര്ദ്ദേശ പ്രകാരം നാളെ അദ്ദേഹത്തിന് തിരുവനന്തപുരത്ത് അന്വേഷണ ഉദ്യോഗസ്ഥര്ക്ക് മുമ്പാകെ ഹാജരാകേണ്ടതുണ്ട്. മുൻകൂർ ജാമ്യം ലഭിച്ചെങ്കിലും കടുത്ത നിബന്ധനകളാണ് കോടതി എൽദോസിന് നൽകിയിരിക്കുന്നത്. 11 ഉപാധികളാണ് ജാമ്യം അനുവദിക്കുന്നതിനായി തിരുവനന്തപുരം അഡീഷണൽ സെഷൻസ് കോടതി നിർദേശിച്ചിട്ടുള്ളത്.
https://www.facebook.com/Malayalivartha
