കേരളത്തില് ഇന്നും പരക്കെ മഴയ്ക്ക് സാധ്യത... തുലാവര്ഷത്തോടൊപ്പം തെക്ക് കിഴക്കന് ബംഗാള് ഉള്ക്കടലില് നിലനില്ക്കുന്ന ചക്രവാത ചുഴിയും അനുബന്ധ ന്യൂനമര്ദ പാത്തിയും മൂലം മഴ കനക്കാന് സാധ്യത
കേരളത്തില് ഇന്നും പരക്കെ മഴയ്ക്ക് സാധ്യത... തുലാവര്ഷത്തോടൊപ്പം തെക്ക് കിഴക്കന് ബംഗാള് ഉള്ക്കടലില് നിലനില്ക്കുന്ന ചക്രവാത ചുഴിയും അനുബന്ധ ന്യൂനമര്ദ പാത്തിയും മൂലം മഴ കനക്കാന് സാധ്യത.
ഒരു ജില്ലയിലും പ്രത്യേക മഴ മുന്നറിയിപ്പില്ലെങ്കിലും ഒറ്റപ്പെട്ടയിടങ്ങളില് ശക്തമായ മഴ കിട്ടിയേക്കും. ഇടിയോട് കൂടിയ മഴയ്ക്കാണ് സാധ്യത.
മറ്റന്നാളോടെ തെക്ക്-പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദം രൂപപ്പെടും. പിന്നീട് ഇത് ശക്തി പ്രാപിച്ച്
തമിഴ്നാട്-പുതുച്ചേരി തീരത്തേക്ക് നീങ്ങാനാണ് സാധ്യത. ബുധനാഴ്ചയോടെ ബംഗാള് ഉള്ക്കടലില് ന്യൂനമര്ദ്ദം രൂപപ്പെടും.
അതേസമയം ഇടിമിന്നലുണ്ടാകാനും സാധ്യതയേറെയാണ് . ഇവ വളരെ അപകടകാരികളാണ്. അവ മനുഷ്യന്റെയും മൃഗങ്ങളുടെയും ജീവനും വൈദ്യുത-ആശയവിനിമയ ശൃംഖലകള്ക്കും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കുന്നുണ്ട്. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. തുറസ്സായ സ്ഥലങ്ങളില് തുടരുന്നത് ഇടിമിന്നലേല്ക്കാനുള്ള സാധ്യത വര്ധിപ്പിക്കും.
ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തില് ജനലും വാതിലും അടച്ചിടുക, വാതിലിനും ജനലിനും അടുത്ത് നില്ക്കാതെയിരിക്കുക. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പര്ശിക്കാതിരിക്കാന് ശ്രമിക്കുകയും ചെയ്യുക.
ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക. വൈദ്യുതി ഉപകരണങ്ങളുടെ സാമീപ്യവും ഇടിമിന്നലുള്ള സമയത്ത് ഒഴിവാക്കുക.
https://www.facebook.com/Malayalivartha
