പ്രതിപക്ഷവും കെപിസിസിയും ഒന്നിച്ചു പോകുന്നില്ല; പ്രതിപക്ഷ നേതാവിന്റെ പിന്തുണ തനിക്ക് കിട്ടുന്നില്ല; കെപിസിസി അധ്യക്ഷ സ്ഥാനത്തു നിന്നും മാറാൻ തയ്യാറാണ്; താൻ സ്ഥാനമൊഴിഞ്ഞാൽ പകരം ചെറുപ്പക്കാർക്ക് പദവി നൽകണം; രാഹുൽഗാന്ധിക്ക് കത്ത് അയച്ച് കെ സുധാകരൻ
കെ സുധാകരനെ രണ്ടു ദിവസമായി ഒരു പ്രസ്താവനയുടെ പേരിൽ കോൺഗ്രസ് നേതാക്കന്മാർ അടക്കം വളഞ്ഞിട്ട് ആക്രമിക്കുന്നുണ്ട്. ഇതിനിടയിൽ അതി നിർണായകമായ ചില തീരുമാനങ്ങൾ കെ സുധാകരൻ എടുത്തിരിക്കുകയാണ്. പ്രതിപക്ഷവും കെപിസിസിയും ഒന്നിച്ചു പോകുന്നില്ലെന്ന് പരാമർശം. കെപിസിസി അധ്യക്ഷ സ്ഥാനത്തു നിന്നും മാറാൻ തയ്യാറാണ് എന്ന് കെ സുധാകരൻ അറിയിച്ചു.
രണ്ടു ദിവസം മുന്നേ തന്നെ ഇക്കാര്യം അറിയിച്ചു രാഹുൽഗാന്ധിക്ക് കത്ത് അയക്കുകയും ചെയ്തിട്ടുണ്ട്. കത്തിൽ പല ആരോപണങ്ങളും കെ സുധാകരൻ ഉന്നയിക്കുന്നുണ്ട്. അതായത് പ്രതിപക്ഷ നേതാവിന്റെ പിന്തുണ തനിക്ക് കിട്ടുന്നില്ല എന്നാണ് കത്തിൽ കെ സുധാകരൻ പറയുന്നത്. പക്ഷേ ആരോഗ്യപ്രശ്നങ്ങൾ ചൂണ്ടിക്കാട്ടിയാണ് കത്ത് നൽകിയത് എന്ന വിശദീകരണവും കെ സുധാകരൻ നൽകുന്നുണ്ട്.
കെപിസിസിയും പ്രതിപക്ഷവും ഒന്നിച്ച് പോകുന്നില്ലെന്നും പ്രതിപക്ഷ നേതാവ് വിഡി സതീശനിൽ നിന്നും തനിക്ക് പിന്തുണ കിട്ടുന്നില്ലെന്നും സുധാകരൻ കത്തിൽ വ്യക്തമാക്കിയിരിക്കുകയാണ്.താൻ സ്ഥാനമൊഴിഞ്ഞാൽ പകരം ചെറുപ്പക്കാർക്ക് പദവി നൽകണമെന്ന് സുധാകരൻ കത്തിൽ ആവശ്യപ്പെട്ടിരിക്കുകയാണ്.സുധാകരന് ഈ ഇടയ്ക്ക് നടത്തുന്ന പ്രസ്താവനകളില് അതൃപ്തി കോണ്ഗ്രസിലും യുഡിഎഫ് ഘടകകക്ഷികളിലും പുകയുകയാണ് . സുധാകരനെതിരെ ഹൈക്കമാൻറിൽ പരാതി കൊടുക്കുകയും ചെയ്തിട്ടുണ്ട്.
https://www.facebook.com/Malayalivartha