സംശയങ്ങള് ദൂരീകരിച്ച് മടങ്ങി വരുമെന്ന് കെ.എം.മാണി
ബാര് കോഴ കേസില് തന്നെക്കുറിച്ചുള്ള എല്ലാ സംശയങ്ങളും ദൂരീകരിച്ച് താന് മടങ്ങി വരുമെന്ന് കേരളാ കോണ്ഗ്രസ് (എം) ചെയര്മാന് കെ.എം.മാണി പറഞ്ഞു. തനിക്ക് ആരോടും വെറുപ്പോ വിദ്വേഷമോ ഇല്ലെന്നും അദ്ദേഹം പറഞ്ഞു.
പാലായിലേക്ക് മടങ്ങുന്നതിന് മുമ്പ് മാദ്ധ്യമ പ്രവര്ത്തകരോട് ഔദ്യോഗിക വസതിയായ \'പ്രശാന്തി\'യില് വച്ച് സംസാരിക്കുകയായിരുന്നു മാണി.
പ്രശാന്തമായാണ് പ്രശാന്തിയില് നിന്നു പോകുന്നത്. എല്ലാ സംശയങ്ങളും ദൂരീകരിച്ച് താന് ഇവിടേക്ക് തന്നെ തിരിച്ചുവരും. ദൈവവചനത്തിലാണ് താന് വിശ്വസിക്കുന്നത്. ദൈവം ചിലപ്പോള് അല്പ നേരത്തേക്ക് ചിലരെ ദുര്ബലരാക്കും. എന്നാല് പിന്നീട് അവരെ ശക്തരാക്കുകയും ചെയ്യുമെന്നും മാണി പറഞ്ഞു.
ബാര് കോഴയിലെ രാഷ്ട്രീയ ഗൂഢാലോചനയെ കുറിച്ച് പാലായില് പറയാമെന്നും ഒരു ചോദ്യത്തിന് മറുപടിയായി മാണി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
