രാജസ്ഥാന്‍കാരിയായ ഡിമ്പിള്‍ ലാമ്പ എന്ന ഡോളിയ്ക്ക് വളരെ പ്രായമുണ്ടെന്ന് തോന്നിയെങ്കില്‍ തെറ്റി. അവര്‍ക്കും പീഡിപ്പിക്ക പെണ്‍കുട്ടിയെ പോലെ 19 വയസ് മാത്രമാണ് പ്രായം. എന്നാല്‍ കൈയ്യിലിരുപ്പ് എത്രയോ വലുത്. ഡിമ്പിള്‍ ഡോളിയെപ്പറ്റി കൂടുതല്‍ വിവരങ്ങള്‍ പുറത്തായി. രാജസ്ഥാന്‍ സ്വദേശിയായ ഡിമ്പില്‍ പല യുവതികളേയും ട്രാപ്പിലാക്കിയതായി റിപ്പോര്‍ട്ടുണ്ട്.

കൊച്ചിയില്‍ പീഡിപ്പിക്കപ്പെട്ട പെണ്‍കുട്ടിയെ ബാറില്‍ കൊണ്ടുപോയത് ഡിമ്പിള്‍ ഡോളിയെന്ന് വ്യക്തമായി. ബിയറില്‍ മയക്കുമരുന്നു കലര്‍ത്തി നല്‍കി, സഞ്ചരിക്കുന്ന വാഹനത്തില്‍ 45 മിനിട്ടോളം ക്രൂരപീഡനം നടന്നുവെന്നാണ് റിപ്പോര്‍ട്ട്. ബിയറില്‍ മയക്കുമരുന്ന് കലര്‍ത്തി നല്‍കി കെണിയില്‍പ്പെടുത്തിയാണ് കൂട്ടമാനഭംഗത്തിനിരയാക്കിയതെന്ന് മോഡല്‍ വെളിപ്പെടുത്തിയതോടെ ബലാത്സംഗം, കടത്തിക്കൊണ്ടുപോകല്‍ കുറ്റങ്ങള്‍ക്കൊപ്പം ഗൂഢാലോചനയും ചുമത്തി പൊലീസ് അന്വേഷണം വിപുലീകരിച്ചു.

ഏതാനും വര്‍ഷങ്ങളായി കൊച്ചിയില്‍ മോഡലിംഗ് രംഗത്തുള്ള രാജസ്ഥാന്‍കാരിയായ ഡിമ്പിള്‍ ലാമ്പ. ഡി.ജെ.പാര്‍ട്ടിക്കെന്ന് പറഞ്ഞാണ് ഡിമ്പിള്‍ ഹോട്ടലിലേക്ക് കൊണ്ടുപോയതാണെന്ന് യുവതി മൊഴി നല്‍കി. എറണാകുളം മെഡി. കോളേജില്‍നിന്ന് യുവതിയെ അവരുടെ ആവശ്യപ്രകാരം ഡിസ്ചാര്‍ജ് ചെയ്തു.

കാര്യമായ പരിക്കില്ലെന്നാണ് മെഡിക്കല്‍ റിപ്പോര്‍ട്ട്. മജിസ്‌ട്രേറ്റിന് മുന്നില്‍ രഹസ്യമൊഴി രേഖപ്പെടുത്തി. യുവതിയും കൂട്ടുകാരിയും താമസിച്ചിരുന്ന കാക്കനാട് ഇന്‍ഫോ പാര്‍ക്കിലെ റൂമില്‍ നിന്ന് സംഭവദിവസം ധരിച്ചിരുന്ന വസ്ത്രങ്ങള്‍ ഫൊറന്‍സിക് പരിശോധനയ്ക്കായി കസ്റ്റഡിയിലെടുത്തു. തേവര അറ്റ്‌ലാന്റിസിലെ ഹോട്ടലിലെ ഡാന്‍സ് ഫ്‌ളോര്‍ പൊലീസ് സീല്‍ ചെയ്തു. ഹോട്ടലിലെയും വാഹനം സഞ്ചരിച്ച പ്രദേശങ്ങളിലെയും സി.സി.ടി.വി ദൃശ്യങ്ങളും ശേഖരിച്ചു. വാഹനത്തിലും ഫൊറന്‍സിക് പരിശോധന നടത്തി.

ഡി.ജെ പാര്‍ട്ടിക്ക് ശേഷം മദ്യപിക്കവേ കുഴഞ്ഞുവീണ യുവതിയെ മഹീന്ദ്ര ഥാറില്‍ കയറ്റി നഗരത്തില്‍ ഒരു മണിക്കൂറോളം ചുറ്റി മാനഭംഗപ്പെടുത്തിയെന്നാണ് പരാതി. കാസര്‍കോട് സ്വദേശിയായ യുവതി പ്രായപൂര്‍ത്തിയാകും മുമ്പ് ഫോര്‍ട്ടുകൊച്ചി സ്വദേശിയെ വിവാഹം ചെയ്തിരുന്നു. രണ്ട് വര്‍ഷം മുമ്പ് ഭര്‍ത്താവിനും കുടുംബത്തിനുമെതിരെ പരാതി നല്‍കി. യുവാവിനെതിരെ പോക്‌സോകേസും കുടുംബാംഗങ്ങള്‍ക്കെതിരെ ഗാര്‍ഹിക പീഡനത്തിന് കേസുമെടുത്തിരുന്നു. പിന്നീട് കൊച്ചിയില്‍ തങ്ങി മോഡലിംഗ്, സീരിയല്‍ രംഗത്ത് തുടര്‍ന്നു. ഒ.ടി.ടി പ്‌ളാറ്റ്‌ഫോമില്‍ ടി.വി.സീരിസിലും അഭിനയിച്ചിട്ടുണ്ടെന്ന് അറിയുന്നു.

അതേസമയം ഒന്നാം പ്രതി പി.എസ്.വിവേക് (26), രണ്ടാം പ്രതി സുധീപ് (27), മൂന്നാം പ്രതി നിധിന്‍ (25) നാലാം പ്രതി ഡിമ്പിള്‍ ലാമ്പ (ഡോളി -19) എന്നിവരെ മജിസ്‌ട്രേറ്റിനു മുന്നില്‍ ഹാജരാക്കി റിമാന്‍ഡ് ചെയ്തു. വാഹനയുടമയായ വിവേക് ഏവിയേഷന്‍ കോഴ്‌സിന് ശേഷം ഗള്‍ഫില്‍ എയര്‍ലൈന്‍ കമ്പനിയില്‍ ജോലി ചെയ്തിരുന്നു. സുധീപ് ബി.ടെക്കുകാരനാണ്. നിഥിന്‍ ഡ്രൈവറാണ്. മൂവരും കൊടുങ്ങല്ലൂര്‍ സ്വദേശികളാണ്.

ഡി.ജെ.പാര്‍ട്ടിക്കെന്ന് പറഞ്ഞ് ഹോട്ടലിലേക്ക് കൊണ്ടുപോയതാണെന്ന് യുവതി മൊഴി നല്‍കി . ബാറില്‍ വെച്ച് തന്ന ബിയറില്‍ പൊടി ചേര്‍ത്തതായി സംശയമുണ്ടെന്ന് യുവതി പറയുന്നു. അവശയായ തന്നോട് ഡിമ്പിള്‍ സുഹൃത്തുക്കളുടെ കാറില്‍ കയറാന്‍ പറഞ്ഞു. വാഹനത്തില്‍ സഞ്ചരിക്കവെ മൂവരും പീഡിപ്പിച്ചു. പീഡനത്തിന് ശേഷം ഹോട്ടലില്‍ ഇറക്കി ഭക്ഷണം വാങ്ങി തന്നെന്നും അവിടെവെച്ച് പ്രതികരിക്കാന്‍ ഭയമായിരുന്നെന്നും യുവതിയുടെ മൊഴിയില്‍ പറയുന്നു. 45 മിനിറ്റോളമാണ് സഞ്ചരിക്കുന്ന വാഹനത്തിനുള്ളില്‍ വച്ച് പത്തൊന്‍പതുകാരിയെ ബലാത്സംഗം ചെയ്തത്. പിന്നെ ബാറില്‍ തിരിച്ചെത്തി ഡോളിയെയും കൂട്ടി രാത്രി തന്നെ കാക്കനാട് ഉപേക്ഷിച്ചു. പരാതിയില്‍ ഉറച്ച് നില്‍ക്കുന്നതായും യുവതി പറഞ്ഞു.

വ്യാഴാഴ്ച രാത്രി 8 മണിയോടെയാണ് ബലാത്സംഗത്തിനിരയായ യുവതിയെ കാക്കനാട്ടുളള താമസ സ്ഥലത്തെത്തി ഡിമ്പിളും മൂന്നു യൂവാക്കളും കൂട്ടിക്കൊണ്ടുപോകുന്നത്. കൊച്ചി എം ജി റോഡിലെ ഡാന്‍സ് ബാറിലേക്കാണ് ഇവര്‍ പോയത്. ബാറിലെത്തി മദ്യപിക്കുകയായിരുന്നു ഇവര്‍. രാത്രി പത്തുമണിയോടെ പെണ്‍കുട്ടി ബാറില്‍ കുഴഞ്ഞു വീണു. മദ്യലഹരിയില്‍ കുഴഞ്ഞുവീണതാണെന്നും താമസസ്ഥലത്ത് എത്തിക്കാമെന്നും പറഞ്ഞ് യുവതിയെ ഒപ്പമുണ്ടായിരുന്ന മൂന്ന് യുവാക്കളും ചേര്‍ന്ന് തങ്ങളുടെ വാഹനത്തില്‍ കയറ്റുകയായിരുന്നു. തുടര്‍ന്നാണ് ക്രൂരമായ പീഡനത്തിന് ഇരയാക്കിയത്.