നരബലിയില് കൊല്ലപ്പെട്ട പത്മയുടെ മൃതദേഹം ബന്ധുക്കള്ക്ക് കൈമാറി....ഡിഎന്എ പരിശോധനയില് കൊല്ലപ്പെട്ടവരില് ഒരാള് പത്മയാണെന്ന് സ്ഥിരീകരിച്ചതോടെയാണ് നടപടി
നരബലിയില് കൊല്ലപ്പെട്ട പത്മയുടെ മൃതദേഹം ബന്ധുക്കള്ക്ക് കൈമാറി. ഡിഎന്എ പരിശോധനയില് കൊല്ലപ്പെട്ടവരില് ഒരാള് പത്മയാണെന്ന് സ്ഥിരീകരിച്ചതോടെയാണ് നടപടി. റോസിലിയുടെ മൃതദേഹാവശിഷ്ടങ്ങള് രണ്ട് ദിവസത്തിന് ശേഷമായിരിക്കും ബന്ധുക്കള്ക്ക് കൈമാറുക.
നരബലിയ്ക്ക് ഇരയായ പത്മയുടെ മകനടക്കമുള്ള ബന്ധുക്കള് കൊലപാതകമറിഞ്ഞതിന് പിന്നാലെ കൊച്ചിയിലെത്തിയിരുന്നു. മൃതദേഹം വിട്ടു കിട്ടാനായി വൈകുന്നതിനെതിരെ ഇവര് മുഖ്യമന്ത്രിക്കും പൊലീസിനും പരാതിയും നല്കിയിരുന്നു.
മൃതദേഹാവിശിഷ്ടങ്ങള് ഇന്ന് തന്നെ ധര്മപുരിയില് കൊണ്ടുപോകുമെന്നും വൈകുന്നേരത്തോടെ സംസ്കാരമെന്നും പത്മയുടെ മകന് സെല്വരാജ് പറഞ്ഞു.
റോസിലിയെ ജൂണ് എട്ടിനും പത്മത്തെ സെപ്റ്റംബര് 26 നും കൊലപ്പെടുത്തിയെന്നാണ് പൊലീസിന്റെ നിഗമനത്തിലുള്ളത്. പത്തനംതിട്ട ഇലന്തൂര് സ്വദേശികളായ ഭഗവല് സിംഗ്, ഭാര്യ ലൈല, നരബലിയുടെ ആസൂത്രകനും ഏജന്റുമായ മുഹമ്മദ് ഷാഫി എന്നിവരാണ് കേസിലെ പ്രതികള്.
മുഹമ്മദ് ഷാഫി എന്ന റഷീദാണ് നരബലിയുടെ സൂത്രധാരന്. നരബലി നടക്കാന് ദമ്പതികള്ക്ക് ഉപദേശം നല്കുകയും സ്ത്രീകളെ എത്തിച്ച് നല്കുകയും ചെയ്തത് സ്വദേശി മുഹമ്മദ് ഷാഫിയാണ്.നരബലി ആസൂത്രണം ചെയ്തതും നടപ്പാക്കിയതിന്റെയും ബുദ്ധികേന്ദ്രം വ്യാജ സിദ്ധനായ റഷീദ് ആണ്.
ഷാഫിയുടെ ഉപദേശം കേട്ട് നരബലി നടത്തിയ പത്തനംതിട്ട ഇലന്തൂര് സ്വദേശി ഭഗവല് സിംഗും ഭാര്യ ലൈലയുമാണ് കേസിലെ രണ്ടും മൂന്നും പ്രതികള്. ലോട്ടറി വിലപ്പനക്കാരായ പത്മ, റോസിലി എന്നിവരെയാണ് ഭഗവല് സിംഗിന്റെ വീട്ടില്വെച്ച് ഇവര് മൂവരും ചേര്ന്ന് പൈശാചികമായി കൊലപ്പെടുത്തിയത്. അന്വേഷണം അതിവേഗം പൂര്ത്തിയാക്കി കുറ്റപത്രം സമര്പ്പിക്കാനുള്ള ശ്രമത്തിലാണ് പൊലീസ് .
"
https://www.facebook.com/Malayalivartha
